ZOMI NUMEI KHATIN LEITUNG BOXING CHAMPION NGAH

Zomi numei khat ahi Mangte Chungneijang Mary Kom @ Mary Kom in leitung bup Numei khuttum kitupna ( World Women Boxing Championship) ah kizom in a 5 veina gualzawhna pen abeisa Sept.18, 2010 ni’n Barbados gam Garfield Sobers Sports Complex pan ah AIBA World Championship ngah cih kiza hi.

Tua bang a leitungbup huam a numei khuttum kitupna ah khatna a ngahna pen India gambup ading in a masa penpen hipah hi. Mary Kom (48kg)in hih Champion ngahna Final ah a kituppih nu Romania gammi Miss. Steluta Duta pen Mark 16-6 tawh kician takin zo hi. Mary Kom lawhcinna hangin Manipur Govt. in pahtawina sangpen leh State level a vaidawnna Sept.25 ,2010 ni’-in, thupitak a neih banah lungdampihna Rs.10,00,000 (10 lakhs) pia khia hi.

Pasian deihsakna om leh Mary Kom in hong tung ding London Olympic numei Boxing kitupna ah nasiatak a panlak sawm mahmah lai cih kiza hi. Tua banah Mary Kom gualzawhna tungah Kuki Innpi Manipur ,President Pu Thang Kho Sei Haokip in zong lungdampihna thu genna ah " Manipur singtang mite sung bek hi loin India gambup ah singtang Zomi numeite’ dinmun nasiatak hong lamto ahihna thu gen hi.


Mary Kom in Boxing tupna tawh kisai a gualzawhnate anuai abang in kimu thei hi.

National level:


- Gold – Ist Women Nat. Boxing Championship, Chennai 6-12.2.2001,
- The East Open Boxing Champ, Bengal 11-14.12.2001,
- 2nd Sr World Women Boxing Championship, New Delhi 26-30.12.2001,
- National Women Sort Meet, N. Delhi 26-30.12.2001,
- 32nd National Games, Hyderabad 2002,
- 3rd Sr World Women Boxing Champ, Aizawl 4-8.3.2003,
- 4th Sr WWBC, Kokrajar, Assam 24-28.2.2004,
- 5th Sr WWBC, Kerala 26-30.12.2004,
- 6th Sr WWBC, Jamshedpur 29 Nov-3.12.2005,
- 10th WNBC, Jamshedpur lost QF by 1-4 on 5.10.2009

International level:


- Ist Asian Women Boxing Championship (AWBC), Bangkok 2001,
- 2nd AWBC, Hissar, Haryana 19-22.11.2003,
- 3rd AWBC, Kaohsing City, Taiwan 5-12.8.2005,
- Silver medal – 2001 Women’s World Amateur Boxing Championships, Scranton, Pennsylvania, USA.,
- Gold medal – 2002 Women’s World Amateur Boxing Championships, Antalya, Turkey,
-Gold medal – 2005 Women’s World Amateur Boxing - Championships, Podolsk, Russia.,
-Gold medal – 2006 World Women’s Boxing Championship, New Delhi, India.,
-Ist WWB Tournament, Norway 2004,
-Venus Cup International Women Box Tourn, Vejla (Denmark ) 8-23.10.2006,
-Gold medal- 2008 AIBA Women’s World Boxing Championship, Ningbo, China.,
-Gold medal – 2010 AIBA Women’s World Boxing Championship, Barbados.

Pahtawina angahte (Award ):

-Arjuna Award (Boxing) 2004,
-Padma Shree (Sports) 2006;

-Contender for Rajiv Gandhi Khel Ratna Award 2007;

-People of the Year- Limca Book of Records 2007;

-CNN-IBN ‘Real Heroes’ Award 14.4. 2008 Mon;

-Pepsi MTV Youth Icon 2008 23.12.2008 Tue;

-Magnificient Mary’, AIBA 2008;

-Rajiv Gandhi Khel Ratna 29.8.2009 Sat, New Delhi (27.7.2009 Wed); I

-Int’l Boxing Association’s Ambassador for Women’s Boxing 2009 leh

-India gam a kimawl mite pahtawina sangpen Rajiv Gandhi Khel Ratna Award, August 29, 2009

Hih bangin Zomi numei khatin India gam bup huam bek hi loin, leitung bup dinmun ah 2010 kum Numei Khuttum kitupna ah a khatna a ngahna hangin International Tongsan Media Groups pan lungdampihna i pulak hi.

Source by - Zolengthe,Posted by - Tongsan Tanute