ဒေါ်အောင်ဆန်းစုကြည် ရုံးချိန်းကို သြဂုတ်လ ၁၁ ရက်နေ့သို့ ရွှေ့ဆိုင်း

ကြားဖြတ်သတင်း

ဒေါ်အောင်ဆန်းစုကြည် အား ယနေ့ရုံးချိန်းတွင် အမိန့်ချမည်ဟု သတင်းများ ထွက်နေခဲ့သော်လည်း ယနေ့ရုံးချိန်းတွင် အမိန်မချပဲ နောက်လ ၁၁ နေ့သို့ ရွှေ့ဆိုင်းကြောင်း ရုံးချိန်းကိုသာ ဖတ်ကြားသွားခဲ့သည်ဟု သိရသည်။

အင်းစိန်ဈေးကို အဏာပိုင်များက ပိတ်ခိုင်းထားပြီး အစောပိုင်းရက်များကကဲ့သို့ပင် အင်းစိန်လမ်းကြီးကို ပိတ်ထား သည့်အပြင် လမ်းသွယ်များကိုပါ ပိတ်ဆို့ထားလိုက်သည်။
သို့သော် လုံခြုံရေးတင်းကြပ်သည့်ကြားမှ ဒေါ်အောင်ဆန်းစုကြည်အား ထောက်ခံကြောင်းပြသသည့်အနေဖြင့် ပါတီဝင်များအပါအဝင် လူ ၅ဝဝ ခန့် စုရုံး ရောက်ရှိ လာခဲ့ကြသည်။

မြို့ခံ တဦးက ယနေ့တွင် လာရောက် သတင်းနားထောင်သူများ၊ အားပေးကြသူများမှာ ယခင်နေ့များကထက် ပိုမိုများပြားသဖြင် တစုံတရာ ပြဿနာ ပေါ်ပေါက်လာမည်ကို စိုး၍ ရွှေ့ဆိုင်းလိုက်ခြင်းဖြစ်နိုင်ကြောင်း ပြောပြ ခဲ့သည်။

နိုင်ငံရေး သုံးသပ်သူ တော်တော်များများ ဒေါ်အောင်ဆန်းစုကြည်အား ထောင်ဒဏ် ချမှတ်လိမ့်မည်ဟု ယူဆနေ ကြသည်။

စစ်ဘက်နှင့် နီးစပ်သော အသိုင်းအဝိုင်းများက ပြေပြရာတွင် ဒေါ်အောင်ဆန်းစုကြည်အား ထောင်ဒဏ်ချသင့် မချသင့်နှင့် ပါတ်သက်၍ ထိပ်ပိုင်းခေါင်းဆောင်များတွင် အယူအဆကွဲပြားမှုများ ဖြစ်ပေါ်နေသည်ဟု သိရပါ သည်။
၃၀ ရက်နေ့နှင့် ယနေ့တွင် အမျိုးသားဒီမိုကရေစီ အဖွဲ့ချုပ် အဖွဲ့ဝင်များ အပါအဝင် ဖမ်းဆီးခံရသူ စုစုပေါင်း ၂၃ ဦး ရှိခဲ့ပြီး ထိုအထဲမှ ဒေါ်နော်အုန်းလှနှင့် အောင်လံအမတ် ဦးညွန့်လှိုင်တို့ကို ယနေ့နံနက်က ပြန်လွှတ် ပေးခဲ့သည်ဟု သိရပါသည်။

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

ရှေ့တလှမ်းတိုး နောက်နှစ်လမ်းဆုတ်

ကာတွန်း

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

ဒုက္ခဆိုတာ ဘဝမလှသူတွေအတွက်

နှင်းပန်းအိမ်
အင်္ဂါနေ့၊ ဂျူလိုင်လ 28 ရက် 2009 ခုနှစ်
နို့ဖိုးတောင်ကုန်းပေါ်ကနေ လှမ်းကြည့်ရင် တိမ်တွေကြားက ဖောက်ထွက်လာတဲ့ နေမင်းကြီးရဲ့ အလင်းရောင်က တောတောင်တခုလုံး ဖြာကျနေတယ်။ အခုလို မိုးတွင်းဆိုရင် တောတောင်ကို မြင်ရတလှည့်၊ မမြင်ရတလှည့်။ မိုးဖွဲမှုန်မှုန်လေးတွေက တိမ်ခိုးမြူခိုးတွေနဲ့ရောပြီး တောတောင်တွေကို ဖုန်းလွှမ်းထားတယ်။ နို့ဖိုးရွာလေးကတော့ မိုးရေတွေနဲ့ စိုအိနေပါတယ်။

ဟိုးအဝေးက တောတောင်တွေမှာတော့ ရေတံခွန်လို ဖြာကျနေတဲ့ တောင်ကျရေတွေကို မိုးတိတ်လို့ နေလေးလက်လာရင် မြင်ရတယ်။ တောတောင်တွေထဲက ရာသီနဲ့ယှဉ်ပြီး ဖူးကြပွင့်ကြတဲ့ တောပန်းတောင်ပန်းတွေရဲ့ အနံ့က မိုးရေထိထားတဲ့ မြေသင်းနံ့နဲ့အတူ မိုးလေးနဲ့ပါ လာတတ်တယ်။

တောင်ကျချောင်းက ရေစီးသံတွေကို ညလူခြေတိတ်ချိန်ဆို ကြားရပါပြီ။ ညဥ့်ငှက်တွေရဲ့ အသံ၊ တောင်ကျရေစီးသံက အထီးကျန်အားငယ်နေတဲ့ ဒုက္ခသည်တွေကို အဖော်ပြုလိုက်၊ ခြောက်လှန့်လိုက်၊ နှစ်သိမ့်လိုက်နဲ့ ရသမျိုးစုံ ပေးတော့တယ်။

မြန်မာပြည်ရဲ့ စစ်ရေး၊ နိုင်ငံရေး၊ စီးပွားရေး၊ ဘာသာရေး ညှဉ်းပန်းဖိနှိပ်မှုများကြောင့် လွတ်မြောက်နယ်မြေတွေကို ဒုက္ခသည်တွေ ရောက်ရှိလာခဲ့ပါတယ်။ ၁၉၉၇ ထဲက နို့ဖိုးစခန်းမှာ နေထိုင်လာတဲ့ ကရင့်လူမျိုး ဒုက္ခသည်တွေရဲ့ သက်တမ်း ၁၂ နှစ် ကြာခဲ့ပါပြီ။ ဘဝတလျှောက်လုံးမှာ သူတို့နစ်မွန်းကျပ်တည်းတဲ့ အရာတွေနဲ့ပဲ ရင်ဆိုင်ခဲ့ကြရပါတယ်။ သူတို့ဘဝရပ်တည်နိုင်ဖို့ တောထဲတောင်ထဲမှာ သစ်ဥသစ်ဖုတွေ ရှာစားရတယ်။ တောထဲမှာ ဘယ်အသီးအရွက်က စားကောင်းတယ်၊ စားမကောင်းဘူးဆိုတာ ဘဝပေးအသိနဲ့ ရှာဖွေတတ်ပါတယ်။ ဖားငါးရှာတတ်တယ်။ အရင်ရောက်နေတဲ့ ကရင့်အမျိုးသားတွေက နောက်မှ ရောက်လာတဲ့ ဒုက္ခသည်တွေရဲ့ ဘဝနေနည်းထိုင်နည်း သင်ဆရာ မြင်ဆရာပါပဲ။

ဒုက္ခသည်တွေလည်း ရာသီဥတုကို အမှီပြုပြီး အသက်ရှင်နေရပါတယ်။ ရာသီရဲ့ အသီးအနှံ့တွေကို တောတိုးပြီး ရှာကြတယ်။ အများဆုံးရတာကတော့ မျှစ်တွေပါပဲ။ ဝါးပိုးမျှစ်ကြီးဆို ဖွေးဖွေးဥဥကြီးတွေ။ များလွန်းပေါလွန်းလို့ အချင်းချင်း အပြန်အလှန် ဝေခြမ်းစားကြတယ်။ သိပ်များနေရင် ဓားနဲ့ ပါးပါးလှီးပြီး ထမင်းကြမ်းခဲနဲ့ ဆားသိပ် လေလုံအောင်ထားပြီး မျှစ်ချဉ်သိပ်ထားကြပါတယ်။ နုနုဖွေးဖွေးနဲ့ ချဉ်တာကလည်း မျက်မျက်သက်သက် လေးလေးပင်ပင်မို့ ပျဉ်းမနားမျှစ်ချဉ်ထက် ပိုကောင်းတာပေါ့။ မျှစ်ချဉ်နဲ့ ငါးခေါင်းလေးဆီ သတ်ပြီး တနေကုန် ဒုက္ခသည်မီးသွေးနဲ့ တည်ထားရင် ဟင်းအိုးထဲက မျှစ်ချဉ်နံ့က ထမင်းမြိန်စရာ။ မျောက်ဥ၊ ကတတ်ဥတွေလည်း တောထဲက ရတတ်တယ်။ သူ့အရသာက ပိန်းဥလို စီးစီးပိုင်ပိုင်နဲ့ စားလို့ကောင်းလှတယ်။ ငှက်ပျောဖူးလည်း သုတ်စားကြတာပဲ။ ငှက်ပျောဖူးကိုပြုတ်ပြီး ဆီချက်၊ ကြက်သွန်စိမ်း၊ ပဲမှုန့်၊ အချိုမှုန့်နဲ့ ရောနယ်လိုက်ရင် ဟင်းတခွက် ဖြစ်တာပါပဲ။ အဆိပ်အတောက် ဖြစ်မှာစိုးပြီး မစားရဲကြတာ။

ဒုက္ခသည်မှာ ရိက္ခာရနေတဲ့ ဒုက္ခသည်နဲ့ ရိက္ခာမရသေးတဲ့ ဒုက္ခသည် ရှိသေးတယ်။ ရိက္ခာရနေသူက ဟင်းစားဖိုးပဲ ရှာရတယ်။ ရိက္ခာမရသေးသူကတော့ အစစအရာရာ ဝယ်ခြမ်းစားရတာပေါ့။ ရေကတော့ အခုလို မိုးတွင်းဆို မိုးရေခံပြီး သောက်ကြတယ်။ ကြပ်ခိုးမိနေတဲ့ အင်ဖက်မိုးကကျတဲ့ မိုးရေကို ချက်ချင်း ရေမခံထားဘဲ အကြာကြီး ရွာပြီးမှ ခံရတယ်။ နီကျင်ကျင်မိုးရေကို မသောက်ရဲတာလည်း ပါတာပေါ့။ ဒီတော့ တချို့က ဝါးတိုင်စိုက်ပြီး ပလပ်စတစ်အမိုးလုပ်ပြီး ရေခံကြတယ်။ ရေအိတ်ဆိုလည်း ဆန်ထည့်တဲ့ ပီနံအိတ်ကို ပလပ်စတစ်ကွတ်ပြီး ဝါးလုံးနဲ့ တွဲချည်ထားရင်လည်း ရေထည့်အသုံးပြုလို့ ရတယ်။ ဒုက္ခသည်စခန်းထဲမှာတော့ ဝါးဆိုတဲ့အရာနဲ့ ကင်းလို့ကို မရတာ။

အခုလို မိုးတွင်းဆိုတာ တစိမ့်စိမ့်ရွာနေတဲ့ မိုးကိုကြည့်ပြီး တစိမ့်စိမ့် လွမ်းနေရတော့တာပါပဲ။ ဒုက္ခသည်တွေမှာ ဖိစီးမှုတွေ အမြဲရှိပါတယ်။ နေ့စဉ်စားဝတ်နေရေးနဲ့ သဘာဝရာသီဥတုဒဏ်ကို ကြံ့ကြံ့ခံကာကွယ်နိုင်ဖို့ ကြိုးစားရတာကလည်း တိုက်ပွဲတခုပါ။ ဒါ့အပြင် ကိုယ့်နိုင်ငံကိုယ့်မိသားစု၊ မိဘဆွေမျိုးမိတ်ဆွေတွေနဲ့ ဘယ်တော့ ပြန်ဆုံရမလဲဆိုတဲ့ အသိကလည်း ကြေကွဲစရာ ကောင်းလှပါတယ်။ မိသားစုရဲ့ ခံစားချက်ဆိုတာ နီးကပ်မှုတွေ ချစ်ခြင်းနဲ့ ပျော်ရွှင်မှုတွေပါ ပါတယ်။

ဒုက္ခသည်စခန်းထဲမှာ အလုပ်ဘယ်လောက် လုပ်ချင်ချင် လုပ်ချင်၊ လုပ်စရာအလုပ် မရှိပါဘူး။ ဒုက္ခသည်အချင်းချင်း ဈေးရောင်း၊ အိမ်ပြိုရင်၊ အိမ်မိုးချင်ရင် လက်သမားတတ်တဲ့ သူက အလုပ်လုပ်ရတယ်။ ဒါ့အပြင် လုပ်စရာမရှိတော့ပါဘူး။ ဒီတော့ ဒုက္ခသည်တွေ တတိယနိုင်ငံက ဆွေမျိုးမိတ်ဆွေတွေဆီကို အကူအညီ တောင်းကြရပါတယ်။ ဟုတ်ပြီ ဘယ်လိုတောင်းကြသလဲ......။

အင်တာနက်ဆိုတဲ့ နည်းပညာကို အသုံးမပြုတတ်တဲ့ ဒုက္ခသည်တွေကတော့ တယ်လီဖုန်းကို အသုံးပြုကြပါတယ်။ တယ်လီဖုန်း စကားပြောခက အမေရိကန်ဆို တမိနစ် ၅ ဘတ်၊ သြော်စီ၊ နော်ဝေ၊ ဒိန်းမတ်၊ ဆွီဒင်ဆို တမိနစ် ၁ဝ ဘတ် ပေးရတယ်။ အင်တာနက်ကို အသုံးပြုတတ်တဲ့ ဒုက္ခသည်ကတော့ ကောင်းမှ ကောင်းပဲ။ အင်တာနက်ကနေ ဂျီတော့နဲ့ စကားပြောမယ်ဆို တနာရီမှ ၄ဝ ဘတ်ပဲ ရှိတာ။ ပြောပါလေ့ လိတ်ပတ်လယ်အောင်။

ဖုန်းဆိုင်၊ အင်တာနက်ဆိုင်တွေမှာ နေ့စဉ် လူ အမြဲရှိပါတယ်။ ဒုက္ခသည်တွေရဲ့ သောကတွေ၊ မျှော်လင့်ချက်တွေကို ဖုန်းခွက်တွေပေါ် အားကိုးတကြီးနဲ့ သွန်အန်ချကြပါတယ်။ တယ်လီဖုန်းက ဒုက္ခသည်ရဲ့ လက်ရှိဘဝကို ပျှော်ရွှင်စရာ၊ ကြည်နူးစရာ၊ ဒေါသဖြစ်စရာ၊ နာကျည်းကြေကွဲစရာဖြစ်အောင် သယ်ဆောင်ပေးရတဲ့ သက်မဲ့ပစ္စည်းပါပဲ။

ဒုက္ခသည်ဆီမှာ တခြားအတွက်သုံးဖို့ ပိုက်ဆံမရှိရင်တောင် ဖုန်းဖိုး၊ အင်တာနက်ဖိုးအတွက် ပိုက်ဆံမရှိမဖြစ် လိုပါတယ်။ ဖုန်းဆိုင်တွေမှာ မနက်စောစော ဖုန်းဆက်တယ်ဆို အမေရိကန်ကို ဆက်တဲ့သူ။ နေ့လည်ဆို နော်ဝေ။ ညဘက်ဆို အမေရိကန်။ ဘာ့ကြောင့်လဲ။ ကျမတို့နေတဲ့ နေရာက မနက်ဆို ဟိုဘက်ကည။ ဒီတော့ ကမ္ဘာ့တဖက်ခြမ်းက မိတ်ဆွေတွေ အိပ်ရေးမပျက်အောင်၊ စိတ်မငြိုငြင်အောင် သူတို့မအိပ်ခင် ဖုန်းဆက်၊ အင်တာနက်နဲ့ စကားပြောကြရပါတယ်။

ဖုန်းပြောနေတဲ့ ဒုက္ခသည်ရဲ့ အသံက ငြင်သာနူးညံ့ပြီး မျက်နှာဆို ညှိုးကျနေတော့တာ။ တဖက်လူရဲ့ အသံကို ဖုန်းစောင့်နေသူတွေ မကြားရပေမဲ့ ဒီလူအဆင်ပြေမယ်၊ မပြေဘူးဆိုတာ နားထောင်နေသူက ကိုယ့်အတွေ့အကြုံနဲ့ယှဉ်ပြီး အဖြေထုတ်နိုင်ပါတယ်။

ကမ္ဘာ့တဖက်ခြမ်းက မိတ်ဆွေက ဒုက္ခသည်ရဲ့ ဖုန်းကို မှတ်မိနေရင် သူ ငွေမပေးနိုင်သေးဘူး။ မပေးချင်ဘူးဆိုရင် မကိုင်ပါဘူး။ တူ ... တူ ... နဲ့ မြည်တဲ့အသံမှာ ပြောစရာရှိတာ ပြောခဲ့ပါဆိုတဲ့ နိုင်ငံခြား ဘာသာစကားအသံကိုလည်း ကြားရနိုင်ပါတယ်။ တခါတရံ ကိုယ်က ဆန္ဒစောပြီး ကောက်ကိုင်လို့ ဖုန်းလိုင်းမီတာ တက်သွားမှာစိုးတဲ့အတွက် တဖက်လူ အသံကြားမှ ဖုန်းဆိုင်က ကိုင်ခိုင်းပါတယ်။ အဲဒီအခါ မှာခဲ့ပါဆိုတဲ့ အသံကို ကိုယ်က နားမလည်လို့ ကောင်ကိုင်လိုက်ရင် ဘာမှ မပြောရဘဲနဲ့ ၁ဝ ဘတ်လောက် ထွက်သွားပါတယ်။

တခါတရံ တဖက်လူက ဘယ်ကဆက်မှန်းမသိလို့ ကောက်ကိုင်လိုက်ရင် ဒုက္ခသည်က ဝမ်းသာအားရနဲ့ "သူငယ်ချင်း ငါပါကွ" ဆိုပြီး နာမည်ပြောလိုက်ခါမှ ဖုန်းချသွားတာလည်း ရှိပါတယ်။ တချို့ကျတော့လည်း "ဖုန်းချလိုက်၊ ဖုန်းခကုန်မယ်၊ ဖုန်းပြန်ဆက်လိုက်မယ်" ဆိုတဲ့ ချွေးသိပ်လိုက်တဲ့ စကားကို ဒုက္ခသည်ကလည်း မျှော်လင့်ချက်နဲ့ တကယ်ထင်ပြီး ဖုန်းဆိုင်မှာ မခေါ်မချင်း ငုတ်တုပ်ထိုင်စောင့်နေတတ်တယ်။ ဖုန်းသံမြည်တိုင်း ကိုယ့်ဆီဆက်တဲ့ ဖုန်းလားဆိုပြီး မျှော်ရတာ ပဒေါင်လူမျိုးတွေလို လည်ပင်း ငွေကွင်းစွပ်လို့ ရတယ်။

ကျိန်းသေပေါက် မိဘဆွေမျိုးနဲ့တွေ့ဖို့ ချိန်းထားတဲ့ တခြားဒုက္ခသည်က ဖင်တကြွကြွဖြစ်နေတဲ့ သူ့ကို စိတ်တိုငြိုငြင်ပြီး ကြည့်မရတော့ဘူး။ နောက်ဆုံး နာရီလက်တံတွေသာ အထက်ကနေ အောက်ရောက်သွားတယ်၊ ဖုန်းမလာတော့ပါဘူး။ ဒီတော့ ဖုန်းစောင့်နေသူက ခေါင်းငိုက်စိုက်ချပြီး၊ ဖုန်းဆိုင်ကနေ လှည့်ပြန်ရတော့တယ်။ ဒါက အင်တာနက်မသုံးတတ်တဲ့ ဒုက္ခသည်ရဲ့ အဖြစ်။

အင်တာနက်သုံးတတ်တဲ့ ဒုက္ခသည်တွေကတော့ အင်တာနက်မှာထိုင်ပြီး ကိုယ့်အီးမေးလ်ထဲ ဘယ်သူများ စာပို့ထားမလဲလို့ ရင်ခုန်စွာနဲ့ ဖွင့်ကြည့်ကြရပါတယ်။ အီးမေးလ်ထဲမှာ စာရောက်နေရင် သိပ်ကို ပျော်သွားတတ်ပါတယ်။ ငွေ ရရ၊ မရရ မိတ်ဆွေသူငယ်ချင်း ရဲဘော်တွေရဲ့ စာတလုံး၊ စကားတခွန်းက ဒုက္ခသည်အတွက် စိတ်ခွန်အား ဖြစ်ရပါတယ်။ အီးမေးလ်ထဲ စာမတွေ့တဲ့အခါ မိတ်ဆွေသူငယ်ချင်းတွေဆီ စာပို့ဖို့ပြင်ရင်း ကိုယ့်ကို ကူညီနိုင်မယ့် မိတ်ဆွေ အီးမေးလ်အကောင့်က မီးလေးလင်းနေရင် ထိတ်ခနဲ ဝမ်းသာသွားပြီး ဂျီတော့နဲ့ စကားပြောရအောင် လှမ်းခေါ်ဖို့ ပြင်လိုက်တယ်။ ဒီမှာတင် လှမ်းခေါ်မယ် စိတ်ကူးနေတုန်းက တဖက်က မီးအစိမ်းရောင်လေး ပိတ်သွားပြီ။ စကားတောင် မပြောလိုက်ရပါဘူး။ နောင်ကြုံတဲ့အခါ "မင်းတို့ လိုင်းပေါ်က ဆင်းဆင်းမသွားပါနဲ့ကွာ။ ပိုက်ဆံတောင်းဖို့ မဟုတ်ပါဘူး။ သာကြောင်းမာကြောင်းလေး ပြောချင်လို့ပါ" လို့ တောင်းပန်ရတယ်။

ဒီလိုအဖြစ်အပျက်မျိုးတွေကို ပြန်ပြောပြတဲ့သူတွေနဲ့အတူ ရယ်မောရင်း၊ ဟာသလုပ်ရင်း ကျမတို့ပါ ဝမ်းနည်းနာကျင်ခဲ့ရဖူးတယ်။

မတူကွဲပြားခြားနားတဲ့သူတွေနဲ့ ငြိမ်းချမ်းစွာ အတူတကွ ယှဉ်တွဲနေထိုင်ရေးဆိုတဲ့ စကားတွေ ဒုက္ခသည်စခန်းထဲမှာ ဘာ့ကြောင့် ကျယ်ကျယ်လောင်လောင် ကြားရပါသလဲ။ ဒုက္ခသည်ဘဝမှာ ကိုယ့်ကိုယ်နဲ့ သူများစိတ် နေရပါတယ်။ ကိုယ့်ရဲ့ ရှေ့အနာဂတ်ခရီးကို ကိုယ်မပိုင်ပါဘူး။

ကိုယ့်ရဲ့ ရှေ့ခရီးဟာ မျှော်မှန်းထားတဲ့ လတွေ၊ နှစ်တွေထက် ပိုမိုကြာရှည်လာတဲ့အခါ၊ ဘာမှမထူးခြားလာဘဲ ငြိမ်သက်နေတဲ့အခါ လက်ရှိဘဝရဲ့ ခါးသီးတဲ့ဒုက္ခက ပိုလို့ကြီးမားလာပါတယ်။

ဒီအခါမှာ အိမ်တွင်းရေး ပဋိပက္ခတွေ နေ့စဉ်လို ရှိလာတယ်။ ပတ်ဝန်းကျင် အသိုင်းအဝိုင်းမှာလည်း ဆက်ဆံရေးတွေ ထိလွယ်၊ ရှလွယ်ဖြစ်လာပါတယ်။ လူဆိုတာ အကျဉ်းအကျပ်ထဲ ရောက်လာရင် ထွက်ပေါက်ရှာချင်ကြတာ သဘာဝပါပဲ။ ဒါကြောင့်လည်း စိတ်ကုထုံးတွေနဲ့ နှစ်သိမ့်ပညာပေး ဆွေးနွေးပွဲတွေ အခေါက်ရေ စိပ်စိပ်လုပ်လာရတယ်။ ဒီကြားထဲကပဲ စခန်းအပြင်ဘက်က အရက်ဆိုင်ပိုင်ရှင် ကားဝယ်နိုင်သွားပါတယ်။

ကျမတို့ ဒုက္ခသည်တွေ လက်ရှိဘဝက လွတ်မြောက်ဖို့ တယောက်နဲ့ တယောက် တွေ့ရင် ဘာထူးလဲ၊ ဘာကြားလဲဆိုပြီး မေးကြတာ အလေ့အကျင့် ဖြစ်နေပါပြီ။ ဒီအခါမှာ သတင်းဆိုတာအမျိုးမျိုး။ စကားအပို၊ စကားအကားတွေလည်း ရှိလာတယ်။ သတင်းမှားနေရင်လည်း ဘယ်သူ့ ဘယ်သူမှ စိတ်မဆိုးနိုင်ကြပါဘူး။ သတင်းတွေက ကျမတို့အတွက် မရှိမဖြစ် အရာမို့လား။

ကျမတို့ကို ခိုလှုံခွင့် ပေးထားတဲ့ အိမ်ရှင်နိုင်ငံရဲ့ သတင်း၊ ကမ္ဘာ့သတင်း၊ ဒုက္ခသည်စခန်းထဲက နေ့စဉ်ဖြစ်ပျက်နေတဲ့ သတင်း၊ ရှေ့ခရီးအတွက် သတင်း - ဒီသတင်းတွေနဲ့ ကျမတို့ နေ့စဉ် ရှင်သန်နေရပါတယ်။ စိတ်အားတက်ကြွစရာ သတင်းကြားရင် လူက လန်းဆန်းသွားပြီး ကြည်လင်သွားတယ်။ စိတ်ထိခိုက်စရာ သတင်းကြားရင်လည်း ပုံကျသွားလိုက်တာ အတော်နဲ့ နာလန်မထူကြပါဘူး။ ဒုက္ခသည်စခန်းထဲက ပုဂ္ဂလိက သတင်းတွေကလည်း တဦးပိုင်မဟုတ်ပဲ အများနဲ့ဆိုင်တဲ့ သတင်းတွေလည်း ပါလာတတ်ပါတယ်။

တတိယနိုင်ငံကို မိသားစုအရင်းတွေထဲက အရင်ထွက်သွားနှင့်သူတွေရဲ့ နယ်မြေသစ်က အတွေ့အကြုံကို မိသားစုကို လှမ်းပြောကြတယ်။ ဘာသာစကားအခက်အခဲနဲ့ ကမ္ဘာ့စီးပွားရေး အကျပ်အတည်းကြောင့် အလုပ်ရှာမရတဲ့အကြောင်း၊ အလုပ်မရွေးဘဲ လုပ်နိုင်ဖို့ ကျန်းမာရေးကောင်းမွန်ဖို့ လိုကြောင်း၊ ဒီသတင်းတွေ ကြားပြီး မနက်စာ မနက်၊ ညစာ ည ရှာစားနေရတဲ့သူတွေလည်း အင်္ဂလိပ်စာ-အင်္ဂလိပ်စာ-အမေရိကန် အသံထွက်ဆိုတဲ့ အသံတွေနဲ့ လှုပ်လှုပ်ရှားရှားဖြစ်ပြီး အင်ဖက်မိုး၊ ဝါးခင်း၊ ဝါးကာထဲက အင်္ဂလိပ်စာသင်တဲ့ အသံတွေ ဟိုက၊ ဒီက နေ့ည ထွက်လာပါတော့တယ်။

ဒုက္ခသည် အိမ်ရှင်မတွေကလည်း သတင်းတွေထူးလာဖို့ သူတို့ယုံကြည်ရာနဲ့ သူတို့ ကြိုးစားပြန်ပါတယ်။ ဒုက္ခသည်စခန်းထဲက မြေကြီးတွေများ ဘာအပင်စိုက်စိုက် သန်သန်မာမာနဲ့ အားရပါးရ သီးတတ်ပွင့်တတ်ပါတယ်။ တမင် စိုက်ပျိုးစရာမလိုဘဲ လှီးချွတ်ဆေးကြောရင်း ကျသွားတဲ့အစေ့က အပင်ထပေါက်ရင်တောင် ရှင်သန်ကြီးထွားတဲ့ မြေမျိုးပါ။ ဒီတော့ ငရုတ်၊ ဖရုံ၊ သင်္ဘောပင်ဆိုတာ မြေလွတ်ရှိတဲ့ အိမ်တွေမှာ တွေ့ရပါပြီ။ အခုတော့ အိမ်ရှေ့က သင်္ဘောပင်တွေ သိပ်မရှိတော့ဘူး။ ဘုန်းကြီးတပါးက ပြောတယ်။ "အိမ်ရှေ့မှာ သင်္ဘောပင်ရှိရင် ကိုယ်သွားမယ့်ခရီး ကြန့်ကြာတယ်တဲ့"။

ဘာပြောကောင်းမလဲ။ နေ့စဉ်မြင်တွေ့နေရတဲ့ သင်္ဘောပင်လေးတွေ တဖြုတ်ဖြုတ်နဲ့ ပျောက်ကုန်တော့တာ။ ကိုယ့်သဘောနဲ့ကိုယ် ခုတ်နိုင်တဲ့ သြဇာရှိပေမယ့် တချို့အိမ်ရှင်မတွေကတော့ ခေါင်းမာတဲ့ အိမ်ထောင်ဦးစီးကို ဥပါယ်တံမျှင်နဲ့ "သင်္ဘောပင် လေတိုက်လို့ လဲသွားပြီ" ဆိုပြီး မြေလှန်လိုက်ရတာပါပဲ။ သင်္ဘောပင်ခုတ်လိုက်လို့ "ဘယ်သူတော့ လက်ခံစာရပြီ"၊ "ဘယ်ဝါတော့ ထွက်ဒိတ်ကျပြီ" ဆိုတဲ့ စကားတွေကလည်း ဒုက္ခသည်အတွက်တော့ စိတ်ခွန်အားတမျိုးပါပဲ။

ဒုက္ခသည်စခန်းထဲမှာ ရင်နဲ့အမျှ ကြေကွဲစရာကောင်းလှတဲ့ နေ့စွဲတွေနဲ့ တထိတ်ထိတ် ရုန်းကန်ခဲ့ရတဲ့သူတွေထဲက တတိယနိုင်ငံ ထွက်ခွာသွားမယ့် မိတ်ဆွေတွေကို စခန်းထဲမှာ နေရဦးမယ့် သူတွေက လိုက်ပို့ကြပါတယ်။

နီရဲနေတဲ့ နို့ဖိုးမြေကြီးကို သူတို့ ထပ်ထိစရာအကြောင်း မရှိတော့ပါဘူး။ မဲဆောက်ကိုသွားမယ့် ကားပြာကြီးရဲ့ စက်နှိုးသံက တတိယနိုင်ငံကို ထွက်ခွာသွားမယ့် ဒုက္ခသည်ကို ဒုက္ခသည်စခန်းထဲက ဆွဲထုတ်လိုက်တဲ့ အသံဖြစ်ပြီး၊ ကျန်ခဲ့တဲ့ ရဲဘော်မိတ်ဆွေများအတွက်တော့ ခွဲခွာခြင်းဆိုတဲ့ အချက်ပေးသံလည်း ဖြစ်ပါတယ်။

ကားပြာကြီးပေါ်ကို တက်သွားသူရဲ့ ပေါ့ပါးလွတ်လပ်သွားတဲ့ စိတ်၊ ကိုယ်နှုတ်အမှုအယာက လိုက်ပို့သူတွေဆီပါ တဒင်္ဂကူးစက်သွားပါတယ်။ ကျန်ခဲ့တဲ့သူတွေကတော့ မျက်ရည်တွေနဲ့ စကားဆိုရင်း လွမ်းဆွေးအားငယ်လို့ ကျန်ခဲ့ပါတယ်။

နို့ဖိုးတောတောင်ဝန်းကျင်မှာ လမ်းအတူလျှောက်ခဲ့၊ ရေအတူထမ်းခဲ့၊ ထင်းအတူကောက်ခဲ့၊ ရာသီအလိုက် အသီးအနှံတွေ ရှာဖွေခဲ့၊ ရိက္ခာ အတူထုတ်ခဲ့၊ လာ ဟူး ကြာ ဈေးနေ့ကို အတူသွားခဲ့၊ ဒုက္ခကို အတူမျှဝေခံစားခဲ့တဲ့ အရင်းအနှီးဆုံး လူတွေကို ကားပေါ်ကလူတွေက လက်ဆွဲနှုတ်ဆက်ရင်း "ဟိုရောက်ရင် မုန့်ဖိုးပေးလိုက်မယ်" ... တဲ့။

ဟုတ်ကဲ့။ ဒုက္ခသည်စခန်းမှာ ကျန်ခဲ့တဲ့သူတွေကလည်း မျှော်ကြပါတယ်။ ဒါပေမဲ့ ..... ဒါပေမဲ့ပေါ့။ ကမ္ဘာ့စီးပွားရေးကပ်ကြီးက အားလုံးကို ထိခိုက်စေခဲ့ပါတယ်။

ဒုက္ခသည် စခန်းထဲမှာတော့ အင်တာနက်၊ ဖုန်းလိုင်းတွေ ဒုန်းဆိုင်းနေတုန်းပါပဲ။

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

ခြံဝင်းတွင်းရှိ မြေကွက်ရောင်းချမှု ဒေါ်စု ကန့်ကွက်

ဖနိဒါ
ကြာသပတေးနေ့၊ ဂျူလိုင်လ 30 ရက် 2009 ခုနှစ်

ဒေါ်အောင်ဆန်းစုကြည် နေထိုင်ခဲ့ရာ အိမ်ခြံဝင်းတွင်းမှ မြေကွက်တခုကို ရောင်းချသည့်အပေါ် ကန့်ကွက်ထားသည်ဟု ရှေ့နေ ဦးဥာဏ်ဝင်းက ပြောသည်။

“ကြော်ငြာထဲပါတဲ့ ရှေ့နေနှစ်ဦးဆီကို အကြောင်းကြားထားတယ်။ ဒီကိစ္စက ရောင်းပိုင်ခွင့်မရှိဘူး။ ဒီခြံတွေဟာ ကျနော်တို့ အမှုသည်ရဲ့ လက်ဝယ်မှာပဲ ရှိတယ်။ ရောင်းတာ မလုပ်နိုင်ဘူး။ ကန့်ကွက်တဲ့စာ ပို့ထားပါတယ်” ဟု အမျိုးသားဒီမိုကရေစီအဖွဲ့ချုပ်ပြောရေးဆိုခွင့်ရှိသူလည်းဖြစ်၊ ဒေါ်အောင်ဆန်းစုကြည်၏ ရှေနေ့လည်းဖြစ်သူ ဦးဥာဏ်ဝင်းက မဇ္ဈိမသို့ ပြောသည်။

တက္ကသိုလ်ရိပ်သာလမ်း၊ အမှတ် ၅၄ ခြံဝင်းအတွင်းရှိ မြေကွက်တချို့အား ရောင်းလိုက်ပြီး ဖြစ်သဖြင့် ၇ ရက်အတွင်း ကန့်ကွက်နိုင်ကြောင်း ယခုလ ၂၄ ရက်နေ့ထုတ် ကြေးမုံသတင်းစာတွင် ဖော်ပြခဲ့သည်။

ဗဟန်းမြို့နယ် မြေတိုင်းရပ်ကွက် အမှတ် (၄၀ အေ၊ ၄၁၊ ၄၂၊ ၄၂ အေ၊ ၄၄ ဘီ၊ ၄၄ စီနှင့် ၆၄ စီ) မြေဧရိယာ ၉.၂၃ မှ မခွဲမစိတ်သေးသည့် အစိတ်အပိုင်း (အလျား ၁၀၀၊ အနံ ၇၀) အကျယ်ရှိ မြေကွက်ကို ဦးခင်မောင်အေးမှ ရောင်းချပြီး ဖြစ်သဖြင့် ကန်ကွက်နိုင်ကြောင်း ကြေညာချက်တွင် ပါရှိသည်။

ကြေညာပြီး နောက်ရက်တွင် ဦးခင်မောင်အေး၏ ကွာရှင်းပြတ်စဲခြင်းမရှိသေးသော ဇနီးဖြစ်သူ ဒေါ်တင်တင်ဦးက မြေကွက်နှင့် ဆောက်လုပ်ဆဲ အဆောက်အဥိကို ကန့်ကွက်ကြောင်း ကြေညာခဲ့သည်။

ဦးခင်မောင်အေးမှာ ကွယ်လွန်လေပြီးသော သခင်သန်းထွန်း၊ ဒေါ်ခင်ကြီးတို့၏ မွေးစားသားဖြစ်ပြီး တပ်မတော် အရာရှိဟောင်းနှင့် စာရေးဆရာ ဖြစ်သည်။ ဒေါ်အောင်ဆန်းစုကြည်၏ မိခင် ဒေါ်ခင်ကြည်နှင့် ဒေါ်ခင်ကြီးတို့မှာ ညီမအရင်း ဖြစ်ကြသည်။

အထက်တန်း အမျိုးသမီးရှေ့နေ ဒေါ်ချိုသဲမေနှင့် ဒေါ်ဝေဝေအောင် တို့က “လွှဲအပ်ညွှန်ကြားချက် အရ” ဟု ဆိုပြီး ကန့်ကွက်နိုင်ကြောင်း ကြေငြာစာတွင် ဖော်ပြထားသော်လည်း ဝယ်ယူသူ၏ အမည်ကိုမူ ဖော်ပြထားခြင်း မရှိပါ။

“အခုရောင်းမယ်ဆိုတာက အဲဒီခြံထဲက မခွဲမစိတ်ရသေးတဲ့ အပိုင်းတွေ ဖြစ်တယ်။ အခုလို ဝယ်တဲ့ လူနာမည်လဲမပါဘူး။ လျိူ့ဝှက်ထားတယ်။ ဒီအခြေအနေမှာ ဒီလိုသုံးလာတော့ ကျနော်တို့ သိပ်စိုးရိမ်လာတယ်။ ဘယ်လို ဆက်လုပ်မယ်ဆိုတာ အသေးစိတ်တော့ ပြောခွင့်မရှိသေးဘူး။ အစီစဉ်တော့ ရှိတယ်” ဟု ဦးဥာဏ်ဝင်းက ပြောသည်။

ယခုကဲ့သို့ မြေကွက်ရောင်းချကြောင်းကြော်ငြာပေါ်ထွက်လာချိန်သည် ဒေါ်အောင်ဆန်းစုကြည်အား အင်းစိန်ထောင်သို့ ပြောင်းရွှေ့ချုပ်နှောင်ပြီး တရားစွဲဆို စစ်ဆေးနေချိန်နှင့် တိုက်ဆိုင်နေသည်။

၂၀၀၀ ခုနှစ်ဝန်းကျင်တွင် ဒေါ်အောင်ဆန်းစုကြည်၏ နေအိမ်ကို အကိုရင်းဖြစ်သူ ဦးအောင်ဆန်းဦး ကလည်း အမွေရယူထိုက်သည်ဟုဆိုကာ တရားစွဲဆိုခဲ့ဖူးသည်။(မဇ္ဈိမ)

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

မြန်မာစစ်အစိုးရကို စီးပွားရေးပိတ်ဆို့မှု အမေရိကန်သမ္မတ သက်တမ်းတိုး

NEJ / ၃၀ ဇူလိုင် ၂၀၀၉

အမေရိကန်သမ္မတ ဘားရက်အိုဘားမားက မြန်မာနိုင်ငံအပေါ်ပြဋ္ဌာန်းထားသည့် ၂၀၀၃ ခုနှစ် မြန်မာ့လွတ်မြောက်ရေးနှင့် ဒီမိုကရေစီအက်ဥပဒေကို ဇူလိုင် (၂၈) ရက်တွင် လက်မှတ်ရေးထိုး သက်တမ်းတိုးလိုက်သည်။

အဆိုပါဥပဒေအရ မြန်မာနိုင်ငံမှ ပို့ကုန်များအပြင် ကျောက်မျက်ရတနာများကို နောက်ထပ် (၃) နှစ် အမေရိကန်နိုင်ငံတွင်းသို့ အ၀င်မခံဘဲ ပိတ်ဆို့တားမြစ်လိုက်ခြင်းဖြစ်သည်။

မြန်မာနိုင်ငံမှ သွင်းကုန်များကို ပိတ်ဆို့အရေးယူသည့် အဆိုပါဥပဒေကို သက်တမ်းတိုးရန် ဇူလိုင် (၂၁) ရက်တွင် အောက်လွှတ်တော်အမတ်များက ကန့်ကွက်သူမရှိ အတည်ပြုခဲ့ကြသည်။

ယခုဥပဒေကို စတင်တင်သွင်းခဲ့သူ ဒီမိုကရက်တစ်လွှတ်တော်အမတ် ဂျိုးဆက် ခရိုလီက မြန်မာနိုင်ငံကို ဖိနှိပ်အုပ်ချုပ်နေသည့် စစ်အစိုးရကို ၎င်းတို့လုပ်ရပ်များနောက်တွင် အကျိုးဆက်များရှိသည်ကို ပြသရမည်ဟု ပြောကြားခဲ့သည်။

စစ်အစိုးရက ပြည်သူလူထုအပေါ် ရက်စက်ဖိနှိပ်မှုကြောင့် အဓိကဒုက္ခသည်ပြဿနာများ ပေါ်ပေါက်ခဲ့ရသည့်အပေါ်နှင့် ကုလသမဂ္ဂအတွင်းရေးမှူးချုပ် မစ္စတာဘန်ကီမွန်း၏ မကြာသေးခင်က သွားရောက်ခဲ့သည့် မြန်မာနိုင်ငံခရီးစဉ်အတွင်း၌လည်း ဒေါ်အောင်ဆန်းစုကြည်နှင့် တွေ့ခွင့်မရရှိခဲ့သည့်အပေါ်တွင်လည်း မစ္စတာ ခရိုလီက ပြစ်တင်ရှုတ်ချလိုက်ပါသည်။

အမေရိကန် လွှတ်တော်အမတ်များက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ပြန်လည်လွတ်မြောက်ရေးအတွက် ဖိအားပေးနေကြခြင်းဖြစ်သည်။

ဒေါ်အောင်ဆန်းစုကြည်၏ နေအိမ်ခြံဝင်းအတွင်း အမေရိကန်နိုင်ငံသား မစ္စယက်တော ရေကူးဝင်ရောက်ခဲ့ကာ (၂) ရက်ကြာ နေထိုင်ခဲ့သည့်အတွက် ဒေါ်အောင်ဆန်းစုကြည်အား စစ်အစိုးရက နေအိမ်အကျယ်ချုပ်ဖောက်ဖျက်မှုဖြင့် ရုံးတင်တရားစွဲဆိုခဲ့ပြီး အင်းစိန်ထောင်အတွင်း ထိန်းသိမ်းထားခဲ့သည်။ မနက်ဖြန် ဇူလိုင် (၃၁) တွင် ဒေါ်အောင်ဆန်းစုကြည်အား စီရင်ချက်ချမည် ဖြစ်ပြီး ယခုအမှုအတွက် ထောင်ဒဏ် (၅) နှစ်အထိ ချမှတ်ခံရဖွယ်ရှိသည်။(ခေတ်ပြိုင်)

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

တိုင်းရင်းသားဘာသာဖြင့် ရေဒီယိုလိုင်း အသစ် နေပြည်တော်မှ ထုတ်လွှင့်

ဝီရ / ၃၀ ဇူလိုင် ၂၀၀၉

၂၀၀၈ ဖွဲ့စည်းပုံအခြေခံဥပဒေနှင့် လာမည့် ၂၀၁၀ ရွေးကောက်ပွဲအတွက် ပညာပေးအစီအစဉ်များနှင့် စည်းရုံးရေးဆိုင်ရာ စစ်အစိုးရအာဘော်များကို တိုင်းရင်းသား ဘာသာစကားများဖြင့် ထုတ်လွှင့်သည့် ရေဒီယိုလိုင်းသစ်တခုကို ယခုတပတ်အတွင်း စတင် တင်ဆက်နေသည်။

ယခုထုတ်လွှင့်နေသည့် ရေဒီယိုလိုင်းသစ်ကို နေပြည်တော် တိုင်းရင်းသားရေဒီယိုဟုသာ ကြေညာထားပြီး တိုင်းရင်းသားလူမျိုး တမျိုးစီအတွက် တရက်လျှင် အနည်းဆုံး တနာရီစီ အသံလွှင့်နေကြောင်း မော်လမြိုင်မြို့ခံတဦးက ပြောသည်။

၎င်းက “မွန်ဘာသာအတွက် မနက်ပိုင်းဆိုရင် (၆) နာရီခွဲကနေ (၇) နာရီခွဲအထိ လွှင့်နေတယ်။ ညနေပိုင်း (၅) နာရီကနေ (၆) နာရီအထိက ဘာသာတမျိုးစီ အလှည့်ကျ ထုတ်လွှင့်သေးတယ်။ ခေတ်ပေါ်တိုင်းရင်းသားသီချင်း (၃) ပုဒ်၊ (၄) ပုဒ်ရယ်။ စစ်အစိုးရရဲ့ အခြေခံဥပဒေနဲ့ ရွေးကောက်ပွဲအတွက် စည်းရုံးရေး၊ ပညာပေးတာနဲ့ဆိုင်တဲ့ ဆောင်းပါးအာဘော်တွေကို မွန်ဘာသာနဲ့ ထုတ်လွှင့်နေတယ်။ ကျနော် သတိထားမိတာက ဒီအပတ် တနင်္လာနေ့ကမှ စတာ” ဟု ပြောသည်။

ယခုလွှင့်သည့် ရေဒီယိုအစီအစဉ်သစ်သည် ပိတောက်မြေနှင့် နေပြည်တော်မြန်မာအသံတို့ ထုတ်လွှင့်နေသည့် စစ်အစိုးရ အာဘော်များအား တိုင်းရင်းသားဘာသာစကားဖြင့် ထုတ်လွှင့်ခြင်းဖြစ်သည်။

အစီအစဉ်များထဲတွင် တိုင်းရင်းသားဘာသာစကားဖြင့် သီချင်းတောင်းဆိုနိုင်သောကြောင့် စိတ်ဝင်စားသူ များပြားကြောင်း မုဒုံမြို့နယ်မှ ရွာသားတဦးက ပြောသည်။

၎င်းက “အခု သူတို့လွှင့်နေတာက တိုင်းရင်းသားအသံ သက်သက်ဆိုတော့ ဒီအနားတဝိုက်က ရွာတိုင်းက နားထောင်နေကြတယ်။ ပြီးတော့ သီချင်းတွေကိုလည်း တောင်းဆိုနိုင်သေးတယ်။ နေပြည်တော်က သီချင်းတောင်းနိုင်တဲ့ ဖုန်းနံပါတ်တွေကိုပါ ကြေညာပေးထားတော့ တိုင်းရင်းသားဘာသာနဲ့ပဲ တောင်းဆိုရတယ်။ တိုက်ရိုက်မဟုတ်ပေမယ့် ဘယ်ရွာ၊ ဘယ်နယ်က၊ ဘယ်သူက တောင်းဆိုတယ်ဆိုတာပါ ကြေညာပေးတော့ လူငယ်တွေလည်း စိတ်ဝင်စားကြတယ်။ သီချင်းထုတ်လွှင့်တဲ့ အပိုင်းကိုပေါ့။ ကျန်တဲ့ပညာပေးတာတို့၊ ရွေးကောက်ပွဲအကြောင်းတွေကို စိတ်ဝင်စားသူက နည်းတယ်။ အဲဒီအထဲက ကျနော်ကြိုက်တဲ့ အစီအစဉ်တခုက မိုးလေဝသ ကြေညာချက်ပါ။ တိုင်းရင်းသားစကားနဲ့ ကြေညာပေးတာ” ဟု ပြောသည်။

နေပြည်တော် တိုင်းရင်းသားရေဒီယိုလိုင်းသစ်အား နေပြည်တော် မြန်မာအသံနှင့် ပိတောက်မြေ ရေဒီယိုတို့ကဲ့သို့ ထုတ်လွှင့်နေသည့် လှိုင်းတိုမီတာနှင့် လှိုင်းလတ်မီတာတို့တွင် နားဆင်နိုင်သည်။

အဆိုပါနေပြည်တော် တိုင်းရင်းသားရေဒီယိုလိုင်းသစ်အား ၂၀၀၉ ခုနှစ် ဇူလိုင်လ အစောပိုင်းကတည်းက စမ်းသပ်ကာလအဖြစ် စတည်ထုတ်လွှင့်ခဲ့ပြီး တိုင်းရင်းသားလူမျိုးတမျိုးစီအတွက် ဌာနေစကားတတ်မြောက်သူ ဘွဲ့ရ (၄) ဦးစီ ထပ်မံခေါ်ယူရန် စီစဉ်နေကြောင်း MRTV4 အစီအစဉ်အား ထုတ်လွှင့်နေသည့် Forever Group ကုမ္ပဏီမှ ဝန်ထမ်းတဦးက အတည်ပြု ပြောကြားသည်။

နေပြည်တော် မြန်မာအသံကို ၂၀၀၇ ခုနှစ် ဧပြီလတွင် စတင်ထုတ်လွှင့်ခဲ့ပြီး ပိတောက်မြေ ရေဒီယိုအစီအစဉ်ကိုလည်း နေပြည်တော် မြန်မာအသံမှ ထုတ်လွှင့်နေသည့် လှိုင်းလတ်မီတာတွင်ပင် တထပ်တည်း ထုတ်လွှင့်နေခြင်းဖြစ်သည်။

မြန်မာနိုင်ငံတွင် တိုင်းရင်းသားသီချင်းများ ထုတ်လွှင့်သည့် FM ရေဒီယိုလိုင်းသစ်များအနေဖြင့် ပဉ္စဝတီ (ရခိုင်ပြည်နယ်)အား စတင်ထုတ်လွှင့်ခဲ့ပြီး ရွှေ FM (မြန်မာပြည်တောင်ပိုင်း) နှင့် ချယ်ရီ FM (တောင်ကြီး) တို့အား ထုတ်လွှင့်နိုင်ရန် စိုင်းပြင်းနေကြောင်း သိရသည်။(ခေတ်ပြိုင်)

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

အာဇာနည်နေ့ အောက်မေ့ဘွယ် အခမ်းအနား(ကိုရီးယား)

တောင်ကိုရီးယားနိုင်ငံတွင် ၆၂နှစ်အာဇာနည်နေ့အခမ်းအနားကိုNLD(LA)KOREA ရုံးခန်းတွင်ပြုလုပ်ကြောင်း၊ ကိုရီးယားဒေသစံတော်ချိန်မနက်၆း၀၀နာရီတွင် အာဇာနည် ခေါင်း ဆောင်များကို ရည်စူးပြီး မြန်မာဒီမိုကရေစီအရေးကို အစဉ်တစိုက်အားပေးနေသော ဆောင်ဂွမ်စာဆရာ တော် လင်(မ်)ရောင်တမ် ကို အာရုံဆွမ်းကပ်ခဲ့ကြောင်းသိရပါသည်။

ကိုရီးယားနိုင်ငံဒေသစံတော်ချိန် မနက် ၁၀နာရီမှ၁၂နာရီအထိ အာဇာနည်နေ့ အခမ်းအနားကို အမျိုးသားဒီမို ကရေစီအဖွဲ့ချုပ်(လွတ်မြောက်နယ်မြေ)ကိုရီးယားဌာနခွဲတွင် ချင်းတိုင်းရင်းသားအဖွဲ့အစည်း(CNC-Korea)၊ ကရင်လူငယ်အစည်းအရုံး (ကိုရီးယားဌာနခွဲ) (KYO-Korea Branch)ပုးပေါင်းပြီးပြုလုပ်ခဲ့သည်။

ထိုအခမ်းအနားကို NLD(LA) Korea တွဲဘက်အတွင်းရေးမှူး (၂) ဦးဇော်မိုးအောင်က အခမ်းအနားမှူးအဖြစ် ဆောင်ရွက်၍ အမျိုး သားဒီမိုကရေစီအဖွဲ့ချုပ်(လွတ်မြောက်နယ်မြေ)ကိုရီးယားဌာနခွဲ ဥက္ကဌ ဦးအောင်မြင့်ဆွေက အာဇာနည်နေ့အကြောင်းကို အကျယ် တဝန်းရှင်းပြပြီး၊NCGUBမှထုတ်ပြန်ချက်ကို အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ကိုရီးယားဌာနခွဲ တွဲဘက်ရုံးအဖွဲ့မှူးဦးဇော်ထက် က ထုတ်ပြန်ချက်ကိုဖတ်ကြားပါသည်။

ထို့နောက် ကရင်လူငယ်အစည်းအရုံး (ကိုရီးယားဌာနခွဲ) အတွင်းရေးမှူး စောကဲနက်မိုး၊ ချင်းတိုင်းရင်းသားအဖွဲ့အစည်း(CNC-Korea)မှ ဥက္ကဌ ပူထန်ခတ်ဖုန်းတို့မှတက်ရောက် ပြောကြားခဲ့သလို၊ထိုအခမ်းအနားသို့တက်ရောက်လာသူများ က အသီးသီးဆွေးနွေးကြပြီး ကျဆုံးသွားသောအာဇာနည်ခေါင်းဆောင်များကို အောက်မေ့သတိရသော အားဖြင့် မနက် ၁၀ နာရီ ၃၇ မီနစ်တွင် တမိနစ်ခန့် ဥသြဆွဲကာ ညိမ်သက်စွာဖြင့် ဂါရဝပြုခဲ့ကြကြောင်းသတင်းရရှိပါသည်။

အဆိုပါအခမ်းအနားကို နေ့လည်၁၂နာရီတွင် အောင်မြင်စွာပြီးဆုံးခဲ့ပြီး အမျိုးသားဒီမိုကရေစီအဖွဲ့ချုပ်(လွတ် မြောက်နယ်မြေ)ကိုရီးယားဌာနခွဲမှ နေ့လည်စာဖြင့် တည်းခင်းကျွေးမွေးခဲ့ကြောင်းသိရပါသည်။

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

အမြင့်ပျံ အောက်ချင်းဌက် ဆလိုင်းတင်မောင်ဦး

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...

33rd anniversary of Salai Tin Maung Oo Memorial Day

Van Biak Thang
Chinland Guardian
28 June, 2009

Chin communities and students last Friday commemorated the 33rd anniversary of Salai Tin Maung Oo Memorial Day, paying tribute and respect to their hero who gave his life in the struggle against injustice and dictatorship in Burma.

In South Korea's Seoul, Chin National Community staged a protest in memory of Burma's pro-democracy student leader Salai Tin Maung Oo outside Burmese Embassy, calling for the immediate release of all political prisoners including Aung San Suu Kyi, for an end to ongoing religious persecution and human rights violation in Chin State, and on SPDC to engage in a 'Tripartite dialogue'.

The consolidation letter issued by All Burma Federation of Student Unions (ABFSU) stated that Salai Tin Maung Oo was the first student to be hanged by the military regime in the history of Burma's student movements.

"Salai Tin Maung Oo was fighting against the military regime to gain freedom and justice not only for the Chin people but for the whole country. Therefore, he was a heroic martyr in the battle for democracy in Burma," added the statement.

A Chin ethnic leader Salai Tin Maung Oo was described and acclaimed by student activists, colleagues and friends as a 'big lion' for his democratic spirit, loyalty, leadership and selfless fight for democracy, justice and freedom in military-ruined Burma.

The ABFSU also called for making more efforts toward building up, in the face of sufferings and difficulties, a stronger unity and collaboration for democracy in Burma.

Former General Secretary of CLCC (Chin Literature and Culture Committee), Salai Tin Maung Oo, was secretly hanged to death at the age of 25 inside Burma's notorious Insein Prison on 26 June 1976 by the Ne Win-led military regime.

He was given a capital sentence without any fair trial and lawyer for leading anti-military protests, which are now well known as U Thant's uprising and Shwedagon Strike in 1974 and 1975 respectively.

A ‘highflying hornbill’ flapping with 'fighting peacocks' as described by Salai Kipp Kho Lian, Salai Tin Maung Oo stood up for his dignity, determination and beliefs until his death.

His last words to the executioners included: "You can kill my body but you can never kill my beliefs and what I stood for. I will never kneel down to your military boots!"

Salai Tin Maung Oo Memorial Day was observed and celebrated among Chin community in Europe, Asia and North America.

(ဆက်ဖတ်ရန်.......)

နေရာတကျပြန်ထားရင် ပိုကောင်းတာပေါ့...