Saturday, 4 December 2010

ကလေးမြို့ အထက(၁)ကျောင်း မီးလောင်မှုဖြစ်ပွား

၀၃ရက်၊ဒီဇင်ဘာ
စစ်ကိုင်းတိုင်း ကလေးမြို့ အောင်မင်္ဂလာရပ်ကွက်ရှိ အထက(၁)ကျောင်းကြီးသည် ယနေ့နံနက် ၁ နာရီဝန်းကျင်တွင် မီးလောင်ကြောင်း သိရသည်။ ကျောင်းဆောင်ကြီးတစ်ခုလုံး လောင်ကျွမ်းပြီး အသေအပျောက်မရှိကြောင်း သတင်းရရှိသည်။
Photo : Internet
အဆိုပါ မီးလောင်မှုသည် အစိုးရလျှပ်စစ်မီးမှ တဆင့် ၀ါယာရှော့ဖြစ်သောကြောင့် ရုံးခန်းမှ စတင်လောင်ကျွမ်းသည်ဟု သတင်းရရှိသည်။

"မီးစတင်လောင်တာကတော့ ၀ါယာရှော့ကနေ လို့ပြောကြတာပဲ။ လောင်းကျွမ်းသွားတဲ့ ကျောင်းဆောင်ကတော့ နှစ်၅၀ပြည့်အမှတ်တရ ကျောင်းဆောင်သစ်ကြီး၊ တစ်ခုလုံးပါသွားတယ်။နှမြောလိုက်ဒါဗျာ ပြည်သူတွေရဲ့ငွေတွေနှစ်ခါကုန်တော့မှာဘဲ။ နောက်ပြီးတန်ဖိုးရှိတဲ့ပစ္စည်း အားလုံးက အဲဒီအဆောင်ထဲမှာ ထားတယ်လေ၊ ကျောင်းဆောင်ကြီးတစ်ခုလုံး လောင်ကျွမ်းတယ် လူသေ၊ ဒဏ်ရာရရှိသူတော့ မရှိဘူး" ဟု အမည်မဖော်လို ကလေးမြို့နေ ကျောင်းအနီးရှိ တစ်ဦးက ချင်းတွင်းအသံ ကို ပြောသည်။

ပြီးခဲ့သည့် မတ်လ ၂၄ ရက်နေ့တွင် ကလေးမြို့ ပင်လုံရပ်ကွက် (၇) ရှိ အိမ် ၈ လုံးလောင်ကျွမ်းခဲ့ကြောင်းလည်း သတင်းရရှိသည်။(ချင်းတွင်းသတင်းထောက် ကလေးမြို့)

Posted by Chin Dwinn News at 00:23
Labels:

0 comments:

Post a Comment

Subscribe to: Post Comments (Atom)
ချင်းတွင်း © 2008 Template by:
SkinCorner