တီးတိန်တွင် ခရီးသည်တင်ဂျစ်ကားမှောက် ၁ ဦးသေ၊ ၄ ဦးပြင်းထန်စွာဒဏ်ရာရရှိ

March 8th, 2011 |

ချင်းပြည်နယ် တီးတိန်မြို့နယ်တွင် မနေ့ကခရီးသည်တင်ဂျစ်ကားတစီးတိမ်းမှောက်ခဲ့ရာ ခရီးသည်တဦးပွဲချင်းပြီးသေ ဆုံးကာ၎ ဦးပြင်းထန်စွာဒဏ်ရာရရှိကြောင်းသိရသည်။

မတ်လ ၇ ရက်နေ့က စစ်ကိုင်းတိုင်း ကလေးမြို့မှ အမှတ်(၂)အိန္ဒိယ-မြန်မာနယ်စပ်ကုန်သွယ်ရေးစခန်း တီယိုချောင်းသို့ တက်လာသည့် အဆိုပါခရီးသည်တင် ဂျစ်ကားသည် တီးတိန်မြို့နယ်လိုင်သွေးကျေးရွာအရောက်တွင် တိမ်းမှောက်ပြီး ကျောက်ကမ်းပါးထဲသို့ပေတစ်ရာကျော်ခန့်လိမ့်ကျသွားခြင်းဖြစ်သည်။

“လိုင်သွေးရွာမရောက်ခင်အတက်မှာ မတက်နိုင်လို့ နောက်ပြန်ဆုတ်တဲ့အချိန်မှာ ကျောက်ကမ်းပါးထဲမှာ လိမ့်ကျသွားတာ လို့ကြားတယ်”ဟုဒေသခံတဦးကပြောသည်။

အခင်းဖြစ်ပွားရာနေရာတွင် ကလေးမြို့နယ် တောင်ဖီလာရပ်ကွက်နေ အသက်(၆၀)အရွယ်ရှိ ဦး Conlung ဆိုသူ ပွဲချင်းပြီး သေဆုံးသွားခဲ့ကြောင်း၊ ၄င်းဇနီးအပါအ၀င် စုစုပေါင်း ခရီးသည် ၄ ဦး ပြင်းထန်စွာဒဏ်ရာရှိခဲ့ကြောင်းသိရသည်။ ကျန်ခရီး သည်များသည် ဂျစ်ကားပေါ်မှ ခုန်ဆင်းနိုင်ခဲ့ကြသောကြောင့် အသက်ဘေးမှလွတ်မြောက်ခဲ့ကြသည်ဟုသိရသည်။

ဒဏ်ရာရရှိသူများကို တီးတိန်မြို့ပြည်သူ့ဆေးရုံကြီးသို့ချက်ချင်းပို့ဆောင်ပြီး သေဆုံးသူ၏ရုပ်အလောင်းကို ညညချင်း နေ ရပ်သို့ပြန်လည်ပို့ဆောင်ခဲ့ကြသည်ဟု သေဆုံးသူ၏ ဆွေမျိုးတဦးကပြောသည်။

ဦး Conlung တို့ ဇနီးမောင်နှံသည် အိန္ဒိယနိုင်ငံနယူးဒေလီမြို့တွင်နေထိုင်သော သားဖြစ်သူကို သွားရောက်တွေ့ဆုံရန် အသွားတွင် ယခုလိုအဖြစ်ဆိုးနဲ့ရင်ဆိုင်ခဲ့ခြင်းဖြစ်ကြောင်း ၄င်းကပြောသည်။

တိမ်းမှောက်သွားသည့် ဂျစ်ကားပိုင်ရှင်သည် ကလေးမြို့တွင်နေထိုင်သူ PaThangKhenTluang ဖြစ်သည်ဟုသိရသည်။(ခိုနူမ်းထုန်)