အင်းတကော် လက်နက်စက်ရုံ မီးလောင်

2011/03/03

ပဲခူးတိုင်းအင်းတကော်ရှိ စစ်လက်နက်ထုတ်စက်ရုံတွင် မီးလောင်နေကြောင်း ကြာသပတေးနေ့ ညနေ ၆ နာရီ သတင်းပို့ချက်တရပ်က ဆိုသည်။

အင်းတကော် ကာကွယ်ရေးပစ္စည်း ထုတ်လုပ်မှုစက်ရုံ မီးလောင်နေသဖြင့် ရန်ကုန်တိုင်းအဆင့် မီးသတ်အားလုံး တပ်လှန့်ထားကာ အင်အားစုပေါင်းနေသည်ဟု ထောက်ကြံ့မီးသတ်ကလည်း မဇ္ဈိမကို ပြောသည်။

"ဟုတ်တယ်ဗျ။ မီးလောင်နေတယ်။ ကျနော်တို့ အင်းစိန်၊ မင်္ဂလာဒုံ၊ အနီးဆုံး မြို့နယ်မီးသတ်တွေကော၊ တိုင်းက မီးသတ်တွေကော ကားထွက်ပါတယ်" ဟု ထောက်ကြံ့မီးသတ် တာဝန်ကျက ပြောသည်။ ၎င်းတို့ထောက်ကြံ့တွင် မီးသတ်ကား ၂ စီးသာ ရှိသည်ဟု ဆိုသည်။

အင်းတကော် လက်နက်ထုတ်စက်ရုံသည် အင်းယားကန်ဘေး အင်းယားလိတ်ဟော်တယ်အနီးရှိ ကာကွယ်ရေးပစ္စည်း ထုတ်လုပ်မှုစက်ရုံ အမှတ် ၁ နှင့် ၄ ပြီးလျှင် ရန်ကုန်မြို့နှင့် အနီးကပ်ဆုံး ခဲယမ်းလက်နက်ထုတ် စက်ရုံဖြစ်သည်။ ရန်ကုန်တိုင်းနှင့်နီးသည့် တိုက်ကြီးတွင်လည်း ကပစ စက်ရုံတရုံ ရှိသေးသည်။(မဇ္ဈိမသတင်း)