အုပ်စုသုံးစု ကြေငြာချက် ထုတ်ပြန်ကမ်းလှမ်းနေတဲ့ ပြည်တွင်းငြိမ်းချမ်းရေး (၁)

ညီညီချမ်း

မျက်မှောက် အနေအထားအရ မြန်မာနိုင်ငံတွင် အဓိက နိုင်ငံရေးအုပ်စု သုံးစုရှိကြောင်း ယေဘုယျအားဖြင့် ပြောနိုင်တယ်။ ပထမအုပ်စုမှာ ၂၀၁၀ ရွေးကောက်ပွဲအပြီး စစ်ဝတ်မှသည် အရပ်ဝတ်သို့ ပြောင်းလိုက်သော လက်ရှိ အာဏာရအစိုးရ။ ဒုတိယ ၁၉၈၈ လူထု ဆန္ဒပြပွဲနဲ့အပြိုင် ပေါ်လာတဲ့ ဒီမိုကရေစီ အခွင့်အရေး တောင်းဆိုသော အုပ်စုနှင့် အခြား တတိယအုပ်စုမှာ ၁၉၄၈ လွတ်လပ်ရေးနဲ့အတူ အမျိုးသား တန်းတူရေးနဲ့ ကိုယ်ပိုင်ပြဌာန်းခွင့် အခွင့်အရေး ရရှိရေးအတွက် မြန်မာနိုင်ငံ အစိုးရ အဆက်ဆက်အား မလွဲမရှောင်သာ တော်လှန်နေတဲ့ တိုင်းရင်းသား လက်နက်ကိုင် အုပ်စုတို့ပင် ဖြစ်တယ်။

အဆိုပါ အုပ်စုသုံးစုစလုံးရဲ့ ငြိမ်းချမ်းရေး ကမ်းလှမ်း ပြောဆိုသံများကို မတ်လနောက်ပိုင်း အစိုးရသစ် တက်လာပြီးနောက် ပိုမိုကျယ်လောင်စွာ ကြားလာရတယ်။ တိုင်းရင်းသား လက်နက်ကိုင်အုပ်စုနဲ့ ဒီမိုကရေစီ အင်အားစုတို့ ဖိတ်ခေါ်တဲ့ ငြိမ်းချမ်းရေး အသံတွေ အထိုက်အလျှောက် တူညီတယ်လို့ ပြောနိုင်တယ်။ သို့သော် လက်ရှိအစိုးရ ကမ်းလှမ်းတဲ့ ငြိမ်းချမ်းရေးလေသံမှာ အုပ်စုနှစ်စုနဲ့ ခြားနားနေမလားလို့ ခန့်မှန်းရတယ်။

လက်ရှိအစိုးရ အာဏာရရခြင်းမှာပင် အစိုးရရဲ့ အာဏာအရှိဆုံးပုဂ္ဂိုလ် ဦးသိန်းစိန်ရဲ့ သမ္မတကျမ်းသစ္စာ ကျိမ်ဆိုပွဲတွင် “တိုင်းရင်းသား စည်းလုံးညီညွတ်ရေးကို တည်ဆောက်မယ်လို့” ကတိပေး ပြောကြားခဲ့တယ်။ တဖန် အစိုးရက တိုင်းရင်းသား လက်နက်ကိုင် အဖွဲ့တွေကို သက်ဆိုင်ရာ တိုင်းနဲ့ပြည်နယ်အလိုက် တဖွဲ့ချင်းဆီ ဆွေးနွေးလိုကြောင်း လေသံပေးလာတယ်။ ဒါ့အပြင် လွှတ်တော်အစည်းအဝေးတွင် ထာဝရ ငြိမ်းချမ်းရေး အမြဲတမ်း ကော်မီတီ ဖွဲ့စည်းဖို့ ပြင်ဆင်နေကြောင်းလည်း ကြားသိရပြန်တယ်။

တိုင်းရင်းသား လက်နက်ကိုင် အဖွဲ့တွေကို အစိုးရဘက်မှ ဘာကြောင့် တဖွဲ့ချင်းဆီ ဆွေးနွေးဖို့ ခေါ်နေသလဲ၊ ဘာကြောင့် ငြိမ်းချမ်းရေး ကော်မီတီ ဖွဲ့ရသလဲ။ အကြောင်းမှာ အစိုးသစ်ရဲ့ ငြိမ်းချမ်းရေး ဖိတ်ခေါ်သံနဲ့အတူ အခြားတဖက်တွင် ကချင်၊ ရှမ်း နဲ့ ကရင် အစရှိတဲ့ ပြည်နယ်များတွင် အမြှောက်သေနတ်သံများ ကြားနေရဆဲ။ လက်နက်ကိုင် ပဋိပက္ခ၊ နိုင်ငံရေး ပဋိပက္ခ ရှိနေကြောင်း ပြောရပေလိမ့်မယ်။

ဤအနေအထားတွင် လက်ရှိအစိုးရနဲ့ တိုင်းရင်းသား လက်နက်ကိုင် တပ်ဖွဲ့အကြား ဖြစ်ပေါ်နေတဲ့ တိုက်ပွဲတွေ ရပ်တန့်သွားရန် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ကြားဝင် ဖြေရှင်းပေးလိုကြောင်း ဇူလိုင်လ ၂၈ ရက်နေ့တွင် ပြည်တွင်းစစ် ရပ်ဆဲရေးနဲ့ အမျိုးသား ပြန်လည်သင့်မြတ်ရေးကို ရှေးရှုတဲ့ ငြိမ်းချမ်းရေး ပန်ကြားချက်တစောင်ကို အစိုးရရဲ့ သမ္မတနဲ့ တိုင်းရင်းသား လက်နက်ကိုင် အဖွဲ့များဆီသို့ လိပ်မူ ပေးပို့ခဲ့ပါတယ်။

ဒီအခြေအနေတွင် တိုင်းရင်းသား လက်နက်ကိုင် နိုင်ငံရေးပါတီတွေ စုပေါင်းထားတဲ့ ညီညွှတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ကလည်း ငြိမ်းချမ်းရေး ဆွေးနွေးရန် သြဂုတ်လ ၁၅ ရက်နေ့တွင် သမ္မတ သိန်းစိန်ထံသို့ စာပို့ ကမ်းလှမ်းခဲ့တယ်။ ဒေါ်အောင်ဆန်းစုကြည်ရဲ့ ကြားဝင် ကူညီပေးမှုကို မိမိတို့ ကြိုဆိုကြောင်းနဲ့ ဗဟိုအစိုးရနဲ့သာ မိမိတို့တပ်ပေါင်းစု တစုတစည်းတည်း ဆွေးနွေးလိုကြောင်း ၄င်းတို့ရဲ့ သဘောထားကို အတိအလင်း ကြေငြာပြီး တွေ့ဆုံဆွေးနွေးရေးအဖွဲ့ ကိုယ်စားလှယ်ကိုလည်း ဖွဲ့စည်းထားခဲ့တယ်။

ကောင်းပြီး။ ဒါဆိုရင် အုပ်စု တစုချင်းရဲ့ ငြိမ်းချမ်းရေး ကမ်းလှမ်းချက် လေသံနဲ့ လုပ်ငန်းစဉ်ကို သုံးသပ်ဖို့ လိုအပ်လာပြီလို့ ယူဆပါတယ်။ ပထမ အအစိုးရသစ်နဲ့ အပြိုင် ဖွဲ့စည်းထားသော တိုင်းရင်းသားလူမျိုးများ ဖက်ဒရယ်ကောင်စီ UNFC အကြောင်းကို အနည်းငယ် တင်ပြဖို့ လိုမယ်လို့ ထင်ပါတယ်။ UNFC သည် တိုင်းရင်းသား နိုင်ငံရေး လက်နက်ကိုင် အဖွဲ့များဖြင့် ဖွဲ့စည်းထားသော တပ်ပေါင်းစုကြီးဟု ပြောရမယ်။

ဒီတပ်ပေါင်းစုကြီး မပေါ်လာမီကပင် တိုင်းရင်းသား လက်နက်ကိုင်အဖွဲ့ အတော်များများ စစ်အစိုးရနဲ့ အပစ်အခတ် ရပ်ဆဲပြီး ငြိမ်းချမ်းရေး တွေ့ဆုံဆွေးနွေးပွဲ ပေါ်ပေါက်ရန် ကြိုးပမ်းခဲ့ကြတယ်။ အခြာား ကျန်တဲ့ အဖွဲ့တွေလည်း အပစ်အခတ် ရပ်ဆဲရေးအတွက် စစ်အစိုးရနဲ့ အကြိမ်ကြိမ် တွေ့ဆုံဆွေးနွေးခဲ့တယ်။ သို့သော် အဆင်မပြေမှုတွေနဲ့ အပစ်အခတ် မရပ်နိုင်ခဲ့။ အဖွဲ့တဖွဲ့ကဆိုလျှင် အပစ်အခတ်ရပ် ပြီးပြီးချင်းမှာပင် တိုက်ပွဲပြန်ဖြစ်ခဲ့တယ်။

မည်သို့ပင်ဆိုစေ အပစ်အခတ် မရပ်ရသေးတဲ့ KNU ကဲ့သို့ လက်နက်ကိုင် အဖွဲ့က ‘ အပစ်အခတ် ရပ်ဆဲပြီး ငြိမ်းချမ်းရေးအတွက်’ တွေ့ဆုံနွေးရန် အကြိမ်ကြိမ် ကမ်းလှမ်း ကြိုးပမ်းခဲ့သကဲ့သို့ အပစ်အခတ် ရပ်ပြီးသော ကချင်၊ မွန်၊ ရှမ်း အစရှိသော အဖွဲ့များလည်း ယခင်စစ်အစိုးရ ခေါင်းဆောင်များနဲ့ ပြင်ပတွေ့ဆုံပွဲတွင်တမျိုး၊ အမျိုးသားညီအာခံတွင်တဖုံ နည်းမျိုးစုံဖြင့် ငြိမ်းချမ်းရေး ရရှိရန် ကြိုးပမ်းခဲ့ကြတာ မြန်မာနိုင်ငံသားများ ကြားသိကြမယ် ထင်ပါတယ်။

မြန်မာနိုင်ငံသည် တိုင်းရင်းသားပေါင်းစုံ အတူတကွ ပူးပေါင်း တိုက်ပွဲဝင်ခဲ့ခြင်းကြောင့် လွတ်လပ်ရေး ရခဲ့တယ်။ တိုင်းရင်းသားတို့ရဲ့ စည်းလုံးညီညွတ်ရေးကို ပင်လုံညီလာခံမှသည် ပင်လုံစာချုပ်နဲ့ သက်သေ ပြနိုင်ခဲ့ခြင်းကြောင့် ပြည်ထောင်စု မြန်မာနိုင်ငံ ဟူ၍ ပေါ်လာရခြင်းဖြစ်တယ်။ တနည်းပြောရရင် ဤပြည်ထောင်စု မြန်မာနိုင်ငံတွင် တိုင်းရင်းသား လူမျိုးပေါင်းစုံနဲ့ ဖွဲ့စည်း တည်ဆောက်ထားတယ်။ သို့ဖြစ်၍ တိုင်းရင်းသားတို့ရဲ့ ကိုယ်ပိုင်ပြဌာန်းခွင့် (သို့မဟုတ်) ကိုယ့်ကြမ္မာ ကိုယ်ဖန်တီးခွင့်သည် နိုင်ငံရဲ့ ဖွဲ့စည်း တည်ဆောက်မှုနဲ့အတူ ပါရှိရမည် မဟုတ်ပါလော။

သို့သော် ယခုဖြစ်ရှိနေတဲ့ အနေအထားကား ထိုကဲ့သို့မဟုတ်။ ကိုယ်ပိုင်ပြဌာန်းခွင့် အတွက် တိုက်ပွဲဝင်ရင်း အပစ်အခတ် ရပ်ထားသော လက်နက်ကိုင် တိုင်းရင်းသား အဖွဲ့များကို နယ်ခြားစောင့်တပ် (သို့မဟုတ်) ဌာနေပြည်သူ့စစ် ဖွဲ့ရေး၊ အပစ်မရပ် ရသေးသော အဖွဲ့များကို လက်နက်ချရေး ဆိုပြီး ယခင် စစ်အစိုးရမှ ချေမှုန်းသုတ်သင်ရန် ကြိုးစားခဲ့တယ်။ ပဋိပက္ခကို ဦးတည်စေနိုင်မဲ့ စစ်အစိုးရရဲ့ ရည်ရွက်ချက်ကို ယခု လက်ရှိအစိုးရကလည်း အကောင်အထည်ဖေါ် လာတယ်။ ဒါကြောင့် ဒီအန္တရာယ်ကြီးကို ကာကွယ်ရန် တိုင်းရင်းသား လက်နက်ကိုင် နိုင်ငံရေး အဖွဲ့အစည်းများ UNFC ကို မဖြစ်မနေ ဖွဲ့စည်းရတယ်လို့ ထင်ပါတယ်။

သို့ရာတွင် ၄င်းတို့ရဲ့ ရည်ရွယ်ချက်ကား ပြည်တွင်းစစ်မီး တောက်လောင်စေရန် မဟုတ်။ ဒေါ်အောင်ဆန်းစုကြည်ရဲ့ ငြိမ်းချမ်းရေး ကြားဝင်ဆောင်ရွက်မှုကို ကြိုဆိုလက်ခံခြင်း၊ ငြိမ်းချမ်းရေးအတွက် သမ္မတ သိန်းစိန်ထံ စာရေး အကြောင်းကြားခြင်းနဲ့ ၄င်းတို့ကိုယ်တိုင် တွေ့ကိုဆွေးနွေးရေး ကိုယ်စားလှယ် ဖွဲ့စည်းထားခြင်းတို့ ကြည့်ခြင်းအားဖြင့် စစ်မှန်သော ငြိမ်းချမ်းရေးအတွက် မည်မျှ ဆန္ဒပြင်းပြနေကြောင်းကို မြန်မာနိုင်ငံသားများနဲ့ ငြိမ်းချမ်းရေး လိုလားသူ ကမ္ဘာ့ခေါင်းဆောင်များ သုံးသပ်နိုင်ပါတယ်။

တဖန် ဒီမိုကရေစီ အုပ်စုဘက်ကို သုံးသပ်ကြည့်ရာတွင် ၈၈၈၈ ဒီမိုကရေစီ တောင်းဆိုဆန္ဒပြပွဲတွင် ရဟန်းရှင် ပြည်သူ ကျောင်းသား မြောက်များစွာ ဒဏ်ရာရ သေဆုံးရတယ်။ အသက်မသေ ကျန်ရစ်သူတွေက တောတောင်ကိုဖြတ်ကာ ထွက်ပြေးတိမ်းရှောင် နေခဲ့ရတယ်။ မထွက်ပြေးလိုသူ ဒေါ်အောင်ဆန်းစုကြည် အပါအဝင် ဒီမိုကရေစီအရေး လှုပ်ရှား တက်ကြွသူများလည်း အကြိမ်ကြိမ် ထောင်သွင်းအကျဉ်းချ ခံရတယ်။ ယခုအထိပင် နိုင်ငံရေး အကျင်းသား ၂၀၀၀ ကျော် ရှိနေသေးတယ်လို ကြားသိရတယ်။

မည်သို့ဆိုစေ ညှဉ်းပန်းနှိပ်စက်မှု မျိုးစုံကို အိပ်မက်ပမာ မေ့ဖျောက်ထားလိုက်ပြီး မကြာသေးခင်က ၈၈ မျိုးဆက်ကျောင်းသားများ သုံးပွင့်ဆိုင် ဆွေးနွေးရေးအတွက် ကြေငြာချက် ထုတ်ပြန်ခဲ့တယ်။ ဒေါ်အောင်ဆန်းစုကြည်လည်း အမျိုးသား ပြန်လည်သင့်မြတ်ရေးအတွက် ပန်ကြားစာ ရေးပို့ခဲ့တယ်။ သို့သော် ဤကမ်းလှမ်းချက်တွေအပေါ် လက်ရှိအစိုးရမှ နှုတ်ဆိတ်နေခဲ့တယ်။

ငြိမ်းချမ်းရေး လုပ်ငန်းကို လက်တွေ့ အကောင်အထည် ဖေါ်ဆောင်ပေးနိုင်မဲ့သူလို့ နိုင်ငံသားပြည်သူများ ယုံကြည် လေးစားတဲ့ ဒေါ်အောင်ဆန်စုကြည်ကို ငြိမ်းချမ်းရေး အကျိုးဆောင် ကော်မီတီတွင် မပါဝင်နိုင်ရန် အစိုးရမှ ကြိုးစားနေခဲ့ပြန်တယ်။ ဒီမိုကရေစီ အင်းအားစုရဲ့ ပြည်တွင်းငြိမ်းချမ်းရေး လိုလားတဲ့ ဆန္ဒတွေ ပိတ်ပင်တားမြစ် ခံနေရတယ်လို့ ပြောနိုင်တယ်။

အခု ဖြစ်ရှိနေတဲ့ အနေအထားကို သိသာမြင်သာရန် ပုံဖေါ်ကြည့်မယ်ဆိုလျှင် တိုင်းရင်းသား လက်နက်ကိုင် အဖွဲ့တွေ ငြိမ်းချမ်းရေး ဆွေးနွေးပွဲအတွက် မည်သို့ပင် ပြင်ဆင်ထားသည်ဖြစ်စေ၊ ဒီမိုကရေစီ အင်အားစုမှ မည်သို့ပင် ကြားဝင် ဖြေရှင်းပေးလိုသည် ဖြစ်စေ အစိုးရသစ်ရဲ့ တဖွဲ့ချင်းဆီ တွေ့ဆုံဆွေးနွေးရန် ကမ်းလှမ်းတဲ့ လေသံများနဲ့အတူ အခြားတဖက်တွင် တိုက်ပွဲ သေနတ်သံ အမြောက်သံများ မြန်မာနိုင်ငံ ဒေသအနှံ့ အပြားတွင် ကြားနေရကြောင်းပါ ခင်ဗျား။