သြစတြေးလျ-မလေးရှားဒုက္ခသည်လဲလှယ်ရေးမအောင်မြင်

DK-မအောင်မြင်သောသြစတြေးလျ-မလေးရှားဒုက္ခသည်လဲလှယ်ရေးအစီအစဉ်ကဲ့သို့ စိတ်အနှောင့်အယှက်ဖြစ်စရာကိစ္စရပ်များအားအနာဂတ်ကာလတွင်ရှောင်ရှားနိုင်ရန်အတွက် ဒုက္ခသည်များအားတရားဝင်အသိအမှတ်ပြုရန် မလေးရှားအစိုးရအား ရှေ့နေများအသင်း (Bar Council) မှတိုက်တွန်းလိုက်သည်။

ဒုက္ခသည်များအားတရားဝင်အသိအမှတ်မပြုသောကြောင့် မလေးရှားနိုင်ငံအနေဖြင့် လူ့အခွင့်အရေးများအားအသိအမှတ်ပြုခြင်းနှင့်ပတ်သက်လျှင် နောက်ကျကျန်ရစ်နေသော နိုင်ငံတနိုင်ငံဖြစ်လာရသည်ဟု ဘားကောင်စီ၏အကြီးအကဲဖြစ်သူလင်ချီဝီး (Lim Chee Wee) မှပြောကြားခဲ့သည်။မလေးရှားနိုင်ငံ၏ (၅၄) နှစ်မြောက်လွတ်လပ်ရေးနေ့အားကျင်းပနိုင်ခဲ့သည့် စိတ်ဓါတ်ရေးရာအရ၊ အချုပ်အခြာအာဏာပိုင်ဖြစ်သောနိုင်ငံတနိုင်ငံဖြစ်သည့် မလေးရှား နိုင်ငံသည် ၄င်း၏အရေးကိစ္စရပ်များအားဖြေရှင်းရာတွင် နိုင်ငံတကာမှလက်ခံထားသည့်စံနှုန်းများ၊ အပြုအမူများနှင့်လိုက်လျောညီထွေ လုပ်ဆောင်ရန်လိုအပ်သည်ဟု ၄င်းမှဆိုသည်။

သြစတြေးလျနိုင်ငံမှခိုလှုံခွင့်လျှောက်ထားသူ (၈၀၀) အားမလေးရှားသို့ပို့ဆောင်ရန်ကိစ္စတွင် မလေးရှား နိုင်ငံ၌ ဒုက္ခသည်များအားကာကွယ်စောင့်ရှောက်ရန်ဥပဒေများနှင့် လုပ်ထုံးလုပ်နည်းများမရှိသောကြောင့် သြဂုတ်လ (၃၁) ရက်နေ့တွင် သြစတြေးလျအထက်တရားရုံးမှ ထိုအစီအစဉ်အား ပယ်ဖျက်ဆုံးဖြတ်ခဲ့ခြင်းအပေါ် ဘားကောင်စီအကြီးအကဲဖြစ်သူလင်ချီဝီးမှ ရည်ညွှန်းပြောဆိုခဲ့ခြင်းဖြစ်သည်။မလေးရှားနိုင်ငံသည် ကမ္ဘာ့ကုလသမဂ္ဂအဖွဲ့ဝင် (၁၉၂) နိုင်ငံအနက်မှ (၁၉၆၇) လုပ်ထုံးလုပ်နည်းသတ်မှတ်ချက်များ (1967 Protocol) အရဒုက္ခသည်များ၏အဆင့်အတန်းနှင့်ပတ်သက်၍ (၁၉၅၁) ကုလသမဂ္ဂဒုက္ခသည်များဆိုင်ရာညီလာခံမှ သဘောတူညီချက် (1951 Convention on the Status of Refugees) အားသဘောတူလက်မှတ်ရေးထိုးခြင်းမပြုရသေးသော နိုင်ငံ (၄၅) နိုင်ငံတွင် ပါဝင်နေသည်။

အဆိုပါဒုက္ခသည်လဲလှယ်ရေးသဘောတူညီချက်အရ သြစတြေးလျမှ ခိုလှုံခွင့်လျှောက်ထားသူ (၈၀၀) အားမလေးရှားသို့ပို့ဆောင်မည်ဖြစ်ပြီးမလေးရှားဘက်မှ (UNHCR) ရုံး၏ အသိအမှတ်ပြုခံထားရပြီးသောဒုက္ခသည် (၄၀၀၀) အား ပြန်လည်နေရာချထားရန် သြစတြေးလျမှလက်ခံမည်ဖြစ်သည်။(၁၉၅၈) သြစတြေးလျရွှေ့ပြောင်းနေထိုင်မှုအက်ဥပဒေ (Australian Migration Act – 1958) ၏သတ်မှတ်ချက်အရခိုလှုံခွင့်တောင်းခံသူများအား သြစတြေးလျနိုင်ငံမှ အခြားတတိယနိုင်ငံတနိုင်ငံသို့ပို့ဆောင်၍ ၄င်းတို့၏ခိုလှုံခွင့်တောင်းခံသည့် ကိစ္စရပ်များကိုစီစစ်နိုင်ရန် လူဝင်မှုကြီးကြပ်ရေးနှင့်နိုင်ငံသားဖြစ်တည်မှုဆိုင်ရာ ဝန်ကြီး အားပေးအပ်ထားသောလုပ်ပိုင်ခွင့်အာဏာသည် အဆိုပါတတိယနိုင်ငံအနေနှင့် ဒုက္ခသည်များ ဆိုင်ရာကိစ္စရပ်များအားဥပေဒေကြောင်းအရ နိုင်ငံတကာဥပဒေများ (သို့) ပြည်တွင်းဥပဒေများနှင့် အညီအသိအမှတ်ပြုမှသာအာဏာတည်သည်ဟုသြစတြေးလျအထက်တရားရုံး၏ တရားစီရင် ချက်တွင်ဖေါ်ပြထားခဲ့သည်ဟုလင်မှဆိုခဲ့သည်။ဆိုလိုသည်မှာ

• ခိုလှုံခွင့်တောင်းခံသူများ(Asylum Seekers) အားကာကွယ်နိုင်ရန်အတွက် လိုအပ်ချက်များကိုအကဲဖြတ်ရန် ၄င်းတို့အားထိရောက်မှုရှိသောလုပ်ထုံးလုပ်နည်းများကိုလုပ်ဆောင်စေခြင်း၊

• ခိုလှုံခွင့်တောင်းခံသူများအားဒုက္ခသည် (Refugees) အဖြစ် အသိအမှတ်အပြုမခံရသေးခင်စပ်ကြားကာလတွင် ကာကွယ်စောင့်ရှောက်မှုပေးအပ်ခြင်း၊

• ဒုက္ခသည်အဆင့်အတန်းပေးအပ်ခံထားရသူများအား ပြန်လည်နေရာချထားရန် တတိယနိုင်ငံသို့ပို့ဆောင်ခြင်းမပြုမီ (သို့) ၄င်းတို့၏မိခင်နိုင်ငံဆီသို့ ဆန္ဒအလျောက်မပြန်မီကာလအတွင်းကာကွယ်စောင့်ရှောက်မှုပေးရန် တို့ဖြစ်သည်။

အထက်ပါအဆင့်အတန်းသတ်မှတ်ချက်အပြင် တတိယနိုင်ငံအနေနှင့် လိုအပ်သော ကာကွယ်စောင့်ရှောက်မှုပေးအပ်ရန် လိုအပ်သောလူ့အခွင့်အရေးဆိုင်ရာအဆင့်အတန်းတရပ် ရှိနေရန်လိုအပ်သည်ဟုသြစတြေးလျရွှေ့ပြောင်းနေထိုင်မှုအက်ဥပဒေတွင် သတ်မှတ်ထားသည်။

သို့သော်လည်းမလေးရှားနိုင်ငံအားခိုလှုံသူများကိုပို့ဆောင်နိုင်သောတတိယနိုင်ငံအဖြစ် တရားဝင် ကြေငြာနိုင်ရန် သြစတြေးလျရွှေ့ပြောင်းနေထိုင်မှု အက်ဥပဒေမှသတ်မှတ်ထားသော ဒုက္ခသည်များအနေနှင့် လိုအပ်သောလုပ်ထုံးလုပ်နည်းများကိုလုပ်ဆောင်နိုင်စေရန်နှင့် ၄င်းတို့အား ကာကွယ်စောင့်ရှောက်နိုင်ရန်အချက်များအားမလေးရှားနိုင်ငံတွင်ဥပဒေကြောင်းအရသတ်မှတ်ပြဋ္ဌာန်းထားခြင်းမရှိပေ။

လာမည့် (၅၅) နှစ်မြောက်လွတ်လပ်ရေးနေ့ မတိုင်မီကာလအတွင်း များစွာသောဒုက္ခသည်များ ဆိုင်ရာ နိုင်ငံတကာလူ့အခွင့်အရေးသဘောတူညီချက်များအားသဘောတူလက်ခံသည့် လိုအပ်သော ဥပဒေများကိုမလေးရှားလွှတ်တော်အနေနှင့် ပြဋ္ဌာန်းနိုင်မည်ဆိုလျှင် အဆိုပါ ဥပဒေများသည် မလေးရှားနိုင်ငံအတွက် ကြီးကျယ်သောမွေးနေ့လက်ဆောင်ကြီးတခု ဖြစ်လာလိမ့်မည်ဟု လင်မှဆိုခဲ့သည်။ထိုအခါမိမိတို့သည် အချုပ်အခြာအာဏာပိုင်ဆိုင်သော နိုင်ငံများအကြားရင်ကော့၊ခေါင်းမော့၍ ဝင့်ဝင့်ကြွားကြွားရပ်တည်နိုင်လိမ့်မည်ဖြစ်သည်ဟု ၄င်းမှပြောကြားခဲ့သည်။(သူရိယ)