ချင်းအမျိုးသားနိုင်ငံရေးသမိုင်း

November 14th, 2011 |
ပြုစုသူ- ဇလပ်နီ-
ချင်းလူမျိုးများသည် နယ်ချဲ့အင်္ဂလိပ်လက်အောက်မကျရောက်ခင်အထိ မျိုးရိုး Hereditary ကို အခြေခံသည့် Ram Uk Bawi အုပ်ချုပ်ရေးပုံစံနှင့် ကျေးရွာ Village Kingdom ကို အခြေခံသည့် Democratic Khua Bawi အုပ်ချုပ်ရေးပုံစံတို့ဖြင့် ကိုယ့်မင်းကိုယ့်ချင်း အုပ်ချုပ်လာခဲ့ကြသည်။

တန်ခိုးကြဇာရှိသော ပုဂ္ဂိုလ်တဦးဦးက အုပ်ချုပ်သော ချင်းပြည်အုပ် ချုပ်ရေး စနစ်ကို မတည် ဆောက် နိုင်ခဲ့ကြပေ။

နယ်ချဲ့လက်အောက်သို့ ကျရောက်သည့် အခါတွင် အင်္ဂလိပ်တို့သည် ချင်းတောင်ကို Ram Uk Bawi နှင့် Khua Bawi များမှ တဆင့် အုပ်ချုပ်ခဲ့ကြသည်။

အင်္ဂလိပ်နယ်ချဲ့တို့သည် ၄င်းတို့၏ အုပ်ချုပ်ရေးယန္တရား အဆင်ပြေချော မွေ့စေရေး
ကိုဦးစားပေးနေသည်က တကြောင်း၊ ချင်းလူမျိုးများကိုယ်တိုင် အမျိုးသားအဆင့်နိုင်
ငံရေးနိုးကြားမှု အားနည်းနေသည်က တကြောင်းတို့ကြောင့်လည်းကောင်း ဒေသ
တချို့ကိုသာ စုစည်းနိုင်ခဲ့ကြသည်။

၁၈၉၆ ခုနှစ် ချင်းတောင်တန်း ဥပဒေ အားဖြင့် အုပ်ချုပ်သော The Chin Hills အား
ပခုက္ကူ ချင်းတောင်တန်းခရိုင်မှ ကန်ပက်လက်နယ် နှင့် ရခိုင်တောင်တန်း ဒေသအုပ်
ချုပ်ရေးအတွင်း ကျရောက်သော ပလက်ဝ ဒေသတို့ကို ၁၉၃၀ ခုနှစ်တွင်အုပ်ချုပ်ရေး
ပုံစံတခုဖြင့်စုစည်းခဲ့ သည်။

ချင်းခေါင်းဆောင်များသည် ကချင်၊ ဗမာ၊ ရှမ်း တို့ နှင့် အတူ လွတ်လပ်ရေးရယူပြီး ဖက်ဒရေ ပြည်ထောင်စု ဖွဲ့စည်းရန် အတွက် ၁၉၄၇ ခုနှစ် ဖေဖေါ်ဝါရီ ၁၂ ရက်နေ့တွင် ပင်လုံသဘောတူ စာချုပ်ကို ချုပ်ဆိုခဲ့ကြသည်။

ထိုအချိန်တွင် ပင်လုံ ညီလာခံ တက်ရောက်ရန်အတွက် မြောက်ပိုင်းချင်းတောင် (The Chin Hills) မှ ခေါင်းဆောင် ၇ ဦးကိုသာ ဖိတ်ခေါ် ခဲ့ကြ သည်။ ပင်လုံ မတက်ရောက်မီ ချင်းခေါင်းဆောင် Ram Uk Bawi, Khua Bawi များအကြား ကြိုတင် တိုင်ပင် ညှိနှိုင်းမှု မရှိခဲ့ပေ။

လွတ်လပ်ရေးရရှိပြီးတဆက်တည်း ၁၈၉၆ – ၁၉၃၀ ချင်းတောင်တန်းဥပဒေအားဖြင့်
နယ်ချဲ့အင်္ဂလိပ် က စုစည်းထားသော အုပ်ချုပ်ရေးနယ်မြေကို အခြေခံပြီး ချင်းဝိသေ
သတိုင်းမွေးဖွားခဲ့သည်။

နိုင်ငံတော်အစိုးရ၏ ချင်းဝိသေသတိုင်း အက်ဥပဒေ ပုဒ်မ ( ၂) အပိုဒ် (၄) အရ ချင်း
အမည်နာမ အောက်တွင် လူရှိုင်း၊ ကူကီး၊ နာဂ၊ ချင်းဝိသေသတိုင်းအတွင်းရှိ ချင်းလူမျိုး
များ၊ဆက်စပ်နယ်မြေအတွင်းရှိ ချင်းလူမျိုးများအားလုံး အကျုံးဝင်စေခဲ့သော်လည်း အ
ဆိုပါနယ်မြေဒေသတခုလုံးကို နယ်နိမိတ် ဘောင်တခုအတွင်း စုစည်းထည့်သွင်းခြင်းမ
ရှိခဲ့ပေ။ယင်းကိစ္စကို ချင်းခေါင်းဆောင်များက ပါလီမန် သို့ အကြိမ်ကြိမ်လည်မှုမတည်
ဆောက်နိုင်ခဲ့ကြပေ။

၁၉၄၈ ခုနှစ် ဖေဖေါ်ဝါရီလ ၂၀ တွင်မူ ချင်းလူမျိုး ၄၀၀၀ ကျော်တက်ရောက်သည့် ဖလမ်းညီလာခံကြီး က ချင်းလူမျိုးများ၏ အုပ်ချုပ်ရေးစနစ် ဟောင်းကို ဖျက်သိမ်းပြီး Nation Building ခေါ် အမျိုးသားအဆင့် ချင်းနိုင်ငံရေးအဆောက်အအုံသစ် ကိုတည်
ဆောက်နိုင်ခဲ့သည်။အဆိုပါနေ့ရက်ကို ချင်းအမျိုးသားနေ့ ဟု လည်း ခေါ်ဆိုသည်။

၁၉၆၂ ခုနှစ် နေ၀င်း၏ တော်လှန်ရေးကောင်စီ တက်လာပြီး Interim Unity Advisory Board of Burma ( IUAB) ဖွဲ့စည်းစဉ်တွင် ချင်းပြည်မှ Pu Htat Hlaing, Pu Lun Pum တို့ပါဝင်ခဲ့ကြသည်။

၁၉၆၈ ခုနှစ် ဒီဇင်ဘာလ (၅) ရက်နေ့ နေ့စွဲဖြင့် တော်လှန်ရေးကောင်စီအစိုးရက
ကြေညာချက်အမှတ်(၇၄)ထုတ်ပြန်ပြီးတိုင်းရင်းသား လူမျိုးများအားပြည်သူ့ညီညွတ်
ရေးအကြံပေးချက်ကို တင်သွင်းစေခဲ့သည်။ချင်းလူငယ်များက အချက်ပေါင်း ၁၅၀ပါ
ဝင်သည့် ချင်းလူငယ်များအကြံပေးချက်စာတမ်းကို တင်သွင်းခဲ့သည်။ စာတမ်းတွင်
ချင်းဝိသေတိုင်းရှိ ချင်းအမျိုးသားများ၊နာဂတောင်တန်းရှိ ချင်းအမျိုးသားများနှင့်ပြည်
မရှိ ချင်းအမျိုးသားများ အားလုံးစုပေါင်းပြီး မိမိတို့၏ အမျိုးသားတည်တံ့ခိုင်မြဲရေး၊
တိုးတက်ဖွံ့ဖြိုးရေးကိုဆောင်ရွက်ရန် ဟူ၍ ချင်းအမျိုးသားတရပ်လုံးလွမ်းခြုံသော
ပြည်နယ်တည်ဆောက်ခွင့်ပေးရန် တောင်းဆိုခဲ့ကြသော်လည်းအစိုးရကဖမ်းဆီးနှိပ်
ကွပ်မှုဖြင့် တုံ့ပြန်ခဲ့သည်။

၁၉၈၈ ခုနှစ် မြန်မာတနိုင်ငံလုံးလူထုအုံ့ကြွမှုကြောင့် မဆလ အစိုးရ နိဂုံးချုပ်ခဲ့သည်။ ၁၉၉၀ တွင် မြန်မာတနိုင်ငံလုံး ဒီမိုကရေစီ အုပ်ချုပ် ရေးစနစ်ကျင့်သုံးရန်အတွက် ပါတီစုံဒီမိုကရေစီ ရွေးကောက် ပွဲကို ကျင်းပခဲ့ရာ ချင်းအမျိုးသားများသည် CNLD, MPP, ZNC, KNSO ဟူ၍ နိုင်ငံရေးပါတီများကို ထူထောင်ပြီး တသီးပုဂ္ဂလများနှင့် အတူ ပါဝင်ယှဉ်ပြိုင်ခဲ့ကြရာ အောင်ပွဲခံခဲ့ကြသည်။ သို့သော် မဆလ တဖြစ်လဲ အာဏာသိမ်း န၀တ အစိုးရက KNSO မှအပ ကျန် ချင်းနိုင်ငံရေး သုံးပါ တီအား ဖျက်သိမ်းခဲ့သည်။
ထို့ကြောင့် အဖျက်သိမ်းခံ CNLD, MPP, ZNC ပါတီတို့သည် ပြည်ပရောက်နိုင်ငံရေး
ပါတီအဖြစ် ဆက်လက်လှုပ်ရှားခဲ့ကြသည်။

အဖျက်သိမ်းခံပါတီသုံးခုသည် ကိုယ့် ကြမ္မာကိုယ်ဖန်တီးပိုင်ခွင့်ပြန်လည်ရရှိရေး၊ မြန်မာ
နိုင်ငံအားဖယ်ဒရေပြည်ထောင်စု တည်ဆောက်ရေး၊ ပြည်သူလိုချင်သော ဒီမိုကရေစီ
ရရှိရေးအတွက် လက်နက်ကိုင်တိုက်ပွဲဝင်နေသောချင်းအမျိုးသားတပ်ဦးနှင့်ပြည်တွင်း
ကိုယ်စားလှယ်များပါဝင်ပြီး ၂၀၀၄ ခုနှစ်ဧပြီလ ၇-၁၀တွင် ချင်းအမျိုးသားတပ်ဦး
ဗဟိုဌာနချုပ်ဝိတိုရိယစခန်းတွင် စည်းဝေးပြီး စစ်အာဏာရှင်စနစ် ကျဆုံးရေး၊အမျိုး
သားလွတ်မြောက်ရေးနှင့်ကိုယ့်ကြမ္မာကိုယ်ဖန်တီးပိုင်ခွင့်ပြန်လည်ရရှိရေး၊စစ်မှန်သော
ဖယ်ဒရေပြည်ထောင်စုတည်ဆောက်ရေး၊ချင်းအမျိုးသားမျာ၏ နိုင်ငံရေး၊စီးပွားရေး
၊လူမှုရေးဖွံ့ဖြိုးတိုးတက်ရေး၊ချင်းအမျိုးသားသွေးစည်းညီညွတ်ရေးတို့ကို အစွမ်းကုန်
ကြိုးပမ်းဆောင်ရွက်သွားကြရေးအတွက် ချင်းလူမှုအသင်းအဖွဲ့များပါဝင်စေလျက်
ဝိတိုရိယသဘောတူစာချုပ်ချုပ်ဆိုခဲ့ကြပြီးPolitical Affair Committee-
of Chinland (PACC) ကို ဖွဲ့စည်းခဲ့ကြသည်။အဆိုပါ ၀ိတိုရိယ သဘောတူ
ညီချက်အပေါ် ရပ်တည်ပြီး ZRO အခြေစိုက်Mount Sinai တွင် ၂၀၀၆ ခုနှစ်
မေလ ၈- ၁၁ ရက်အထိ ချင်းအမျိုးသားညီလာခံကို ကျင်းပခဲ့ကြသည်။

အဆိုပါ ညီလာခံမှ ယခင် PACC အား ချင်းအမျိုးသားကောင်စီ ( Chin National Council ) အဖြစ် ဖွဲ့စည်းခဲ့ကြသည်။ ချင်း အမျိုး သားကောင်စီက ကြီးမှူးပြီး ချင်းအမျိုးသားညီလာခံကို နှစ်ကြိမ် တိုင်တိုင် ပြုလုပ်ခဲ့ကြပြီးလည်း ဖြစ်သည်။

နိုင်ငံတော် အာဏာသိမ်း န၀တ အစိုးရ တဖြစ် မဆလ အစိုးရက ၂၀၁၀ ခုနှစ် နိုဝင်ဘာ
၇ ရက်နေ့တွင် အတုအယောင် ဒီမိုကရေစီ ရွေးကောက်ပွဲတွင် ပြည်တွင်းချင်းနိုင်ငံရေး
ခေါင်းဆောင် များက ချင်းအရေး ဆောင်ရွက်ရေးအတွက် ချင်းတိုး တက်သောပါတီ၊ ချင်းအမျိုးသားပါတီ၊ တိုင်းရင်းသား လူမျိုးများဖွံ့ဖြို့ရေးပါတီ ဆိုပြီး ရွေးကောက်ပွဲတွင် ၀င်ရောက် ယှဉ်ပြိုင် ခဲ့ကြရာ အနိုင်ရရှိခဲ့ကြသည်၊ သို့သော် နအဖ စစ်အစိုးရ၏ ၂၅ ရာခိုင်နှုန်း စစ်တပ်စေလွှတ်ရေးမူအရ ချင်းပြည်နယ် အစိုးရ မဖွဲ့စည်းနိုင်ခဲ့ကြပေ။

ချင်းအမျိုးသားများ ရှင်သန်ရပ်တည်ရေးသည် ချင်းအမျိုးသားများ၏ အမျိုးသားရေး
တာဝန်ဖြစ်သည်နှင့်အညီ ယနေ့ချင်းအမျိုးသားများ ခါးစည်းခံစားနေရသောနိုင်ငံရေး၊
စီးပွားရေး၊ လူမှုရေး အနိဌာရုံမှ လွတ်မြောက်ရေးသည်လည်း ချင်းအမျိုးသားများ၏
အမျိုးသားရေး တာဝန်ပင် ဖြစ်သည်။

အဆိုပါ အမျိုးသားရေးတာဝန်ကို ဖော်ဆောင်ရာတွင် ချင်းအမျိုးသားတရပ်လုံးလွှမ်း
ခြုံသော နိုင်ငံရေးစုရပ်လိုအပ်ပြီး ပိုမိုကျစ်လစ်ခိုင်မာသည့်သွေးစည်းညီညွတ်မှုတည်
ဆောက်ရန် အ ရေးကြီးပေသည်။(ခိုနှုမ်ထုန်သတင်း)