မဏိပူပြည်နယ် အင်ဖားမြို့နဲ့ မန္တလေးအကြား ဘတ်စကားပြေးမယ်

2012-01-02

အိန္ဒိယနိုင်ငံ မဏိပူပြည်နယ် အင်ဖားမြို့တော်နဲ့ မန္တလေးမြို့အကြား ခရီးသည်တင် ဘတ်စ်ကား ပြေးဆွဲမယ့် အစီအစဉ်ကို ရှေ့လ ဖေဖော်ဝါရီလ အတွင်းမှာ စတင်နိုင်ဖွယ် ရှိတယ်လို့ အိန္ဒိယ အစိုးရက ပြောပါတယ်။

အဲဒီအတွက် မြန်မာနိုင်ငံကနေ ဘတ်စကားနဲ့ နယ်စပ်ကို ဖြတ်ကျော်ပြီး မဏိပူပြည်
နယ် အင်ဖားမြို့ကို လာရောက်မယ့် ခရီးသည်တွေကို မန္တလေးမြို့မှာရှိတဲ့ အိန္ဒိယ
ကောင်စစ်ဝန်ရုံးက ဗီဇာ ထုတ်ပေးမှာဖြစ်ပါတယ်။

အပြန်အလှန်အားဖြင့် အိန္ဒိယပိုင်မဏိပူပြည်နယ် အင်ဖားမြို့မှာဗီဇာရုံးလာရောက်ဖွင့်
လှစ်ဖို့ အိန္ဒိယအစိုးရက မြန်မာအစိုးရကိုပြောဆိုထားကြောင်းအိန္ဒိယမြန်မာနယ်စပ်အ
ရေး လေ့လာသူတစ်ဦးက ပြောပါတယ်။

“နှစ်နိုင်ငံ အစိုးရအနေနဲ့ အကြမ်းဖျင်း သဘောတူတယ်။ မြန်မာဘက်ကလာပြီး ဗီဇာ
ရုံးကို အင်ဖာမှာဖွင့်ဖို့၊ ခွင့်ပြုချက်ရင် အင်ဖားကနေ ကားနဲ့ မြန်မာနယ်စပ် မိုးရေးကို
သွားမယ်။အဲဒါပြီးရင် ဟိုဘက်ကမ်းကို ကူးပြီးရင် တမူး-နန်းဖာလုံကနေ မန္တလေးကို
မြန်မာပြည်က ကားနဲ့ ပြန်သွားမယ်။ အိန္ဒိယက ကားက ဘယ်မောင်း၊ မြန်မာပြည်က
ညာမောင်း။ တိုက်ရိုက် သွားဖို့ဆိုတာ မဖြစ်နိုင်ဘူး။ နှစ်နိုင်ငံ ကားတွေ မလွယ်ဘူး”

အဲဒီလို နှစ်နိုင်ငံအကြား ဘတ်စ်ကားလိုင်း ပြေးဆွဲမယ်ဆိုရင် မဏိပူပြည်နယ်အပါအ
ဝင် အိန္ဒိယနိုင်ငံ အရှေ့မြောက်ဒေသ တစ်ခုလုံးက မြန်မာနိုင်ငံနဲ့ ကူးလူး ဆက်ဆံ
မှုတွေ ရှိလာမှာဖြစ်သလို မြန်မာနိုင်ငံဘက်ကနေလည်း ဗုဒ္ဓဂယာဘုရားဖူးခရီးစဉ်တွေ
ကိုလည်း နယ်စပ်ဖြတ်ကျော်ပြီး ကုန်ကျစရိတ်သက်သက်သာသာနဲ့သွားလာနိုင်ပါမယ်။

ဒါအပြင် မန္တလေးတဝိုက်မှာ ရှေးရှေးကတည်းက နေထိုင်လာကြတဲ့ မဏိပူ ကသည်း
အနွယ်တွေလည်း မဏိပူပြည်နယ်ကို တရားဝင် သွားရောက်နိုင်မှာ ဖြစ်ပါတယ်။