CNF ဥက္ကဌ (၂) Salai Kip Kho Lian ၏ ရန်ကုန် ချင်းတက္ကသိုလ် ကျောင်းသားများ ထံ အမှာစကား

 January 25th, 2013
မင်္ဂလာပါ၊ အားလုံးကို လေးစားပါတယ်၊ ကျတော်တို့ ချင်းအမျိုးသားတပ်ဦးအနေနဲ့
ခုလို ချင်းစာပေနဲ့ ယဉ်ကျေးမှု ကော်မတီ (ခစယ) ကျောင်းသာ ခေါင်းဆောင်တွေ၊ အဖွဲ့ဝင်တွေနဲ့ တွေ့ဆုံရတာ ဂုဏ်ယူ တယ်၊ ၀မ်းလည်း ၀မ်းသာ တယ်။

ကျနော်တို့ ကိုယ်တိုင်ကလည်း ကျောင်းသားဟောင်းတွေဖြစ်ပါတယ်၊ ကျနော်တို့ရဲ့
အတွေ့အကြုံအရ ပြောရမယ် ဆိုလို့ ရှိယင်တော့ ကျောင်းသားဘ၀ဟာ အရိုးသား
ဆုံးဘဝပါ၊ အသက်ကလည်း ငယ်သေးတယ်၊ ရည်ရွယ်ချက်တွေ အပြည့် အဝရှိတဲ့
အချိန်မှာ ကိုယ့်လူမျိုးကိုယ့်နိုင်ငံအတွက် ဘာဖြစ်ချင်တယ်၊ ညာဖြစ်ချင်တယ်ဆိုပြီး
အတ္တကြီးနေတဲ့အ ချိန်ပါ၊ ဒီချိန်မှာ အချိန်လည်း အများဆုံးပေးရတယ်၊ ဒီတော့ ဒီအသက်အရွယ်မှာ ရှေ့ဆက်အနာဂါတ်အတွက် ဘာလုပ်မယ်ဆိုတာပုံဖော်သွား
ကြပါ၊ ဒီအရွယ်မှာမှ မလုပ်ယင် နောင်အနာဂါတ် ချင်းအရေးဟာ မှေးမှိန်သွား
မှာဖြစ်ပါတယ်၊ ဒီအရွယ်မှာ လုပ်ရင်လုပ်သလိုပဲ အနာဂါတ်ချင်းအရေးဟာ လှပ
သွား မှာဖြစ်တယ်၊ ကျောင်းသားဘ၀မှာ ဘာပဲလုပ်လုပ် တယောက်ထဲ တဖွဲ့ထဲ
လုပ်သွား လို့မရဘူး၊ လက်ဆင့်ကမ်းသွားရမှာဖြစ်တယ်။

ကျနော်တို့ ခေတ်တုန်းက အတွေ့အကြုံကို ပြောချင်တယ်၊ အဲဒီတုန်းက ပူးလျန်
အုပ်၊ အခု သူ ဒီမှာ မလာဘူး၊ အဲဒီအချိန် ကာလတုန်းက ဗိုလ်ချုပ်နေ၀င်း ကနေ
မှ အာဏာရှင်စနစ်နဲ့ အုပ်ချုပ်ခဲ့တယ်၊ နိုင်ငံတော်ကို ဘယ် အခြေခံ ဥပဒေနဲ့အုပ်
ချုပ်ကြမလဲ အကြံပေးကြပါလို့  ဖြစ်လာတယ်။

အဲဒါကို ကျနော်တို့ အခွင့်ကောင်းယူတယ်၊ ကျနော်တို့ ပထမနှစ်ကျောင်းသား
တွေပေါ့၊ ပူး ကျင်ရှန်းထန်၊ ပူးလျန်အုပ် တို့နဲ့ ချင်းလူငယ်များ အကြံပေးချက်စာ
တမ်းတင်တယ်၊ ယခုခေတ်နဲ့ဆိုရင် အားနည်းချက်တွေရှိ ကောင်းရှိ မယ်၊ ဒါပေ
မဲ့ အဲဒီအချိန်တုန်းက ဘယ်သူမှ မရေးကြဘူး၊ ချင်းဝိသေသတိုင်းဟာ ချင်းပြည်
နယ်ဖြစ် ရမယ်၊ တိုင်းပြည်ကို ဖက်ဒရေဒီမိုကရက်တစ် စနစ်နဲ့ အုပ်ချုပ်မယ်ပေါ့၊
အဲဒါကျနော်ကြိုက်တယ်၊ ဒီတော့ ဆိုင်းထိုးမယ်၊ ဒါပေမဲ့ ကျနော်တို့ ဆိုင်းထိုးလိုက်
လို့ ပြည်နယ် ရမှာလား၊ ဖက်ဒရေဖြစ်သွား မလား၊ ဒီမိုကရေစီကော ရမလား၊
မရဘူး။ မရမည့်ဟာကို ဘာလို့ ဆိုင်းထိုးမှာတုန်း၊ ဆိုင်းထိုးတော့ ဘာဖြစ်မှာတုန်း၊
ထောင်ကျ မှာပေါ့၊ မရမယ့် အတူတူ ထောင်လဲကျမယ်၊ အဲဒါ သိတယ်၊ ဘာဖြစ်လို့
ဆိုင်းထိုးမှာ လဲပေါ့ ပူးလျန်အုပ်က ပြောတယ်၊ ကျနော်တို့ ချင်းခေါင်းဆောင်တွေ
ဟာ ပင်လုံမှာ ဆိုင်းထိုးတုန်းက ပြည်နယ်မယူခဲ့ ဘူး၊ ချင်းဝိဒေသတိုင်းပဲရတယ်။

ကျနော်အမြဲတမ်းပြောတယ်၊ အဲဒီနာမည်က လှအောင်လုပ်တာ၊ ပြည်နယ်မယူ
တော့ ချင်းတိုင်းလို့ ခေါ်မှာပေါ့၊ ချင်းနိုင်ငံတောင် ထူထောင်လို့ ရမယ့်ဟာကို
ပြည်နယ်လဲမယူ၊ ချင်းတိုင်းလည်း မဟုတ်ပဲ ၀ိသေသဖြစ်သွား တယ်၊ ကျနော်ပြော
တာက အထူး အ သော တိုင်းပဲပေါ့၊ နားကြားကောင်းအောင် ၀ိသေသလို့ ခေါ်တာ
ပါ၊ ဒါပေမဲ့ အဲဒီတုန်းက ခေါင်းဆောင်တွေကို အပြစ်တင်တာမဟုတ်ဘူး၊ ရှမ်း၊ ကချင်၊ ချင်းခေါင်းဆောင်တွေဟာ ဗိုလ်ချုပ်အောင်ဆန်းကို တကယ့်တကယ်ယုံကြည်ကြ
တယ်၊ အဲဒီတုန်းက ကျနော်တို့ လိုချင်တာကို မယူခဲ့တဲ့အတွက် ဒေါက်လျှောက်ခံ
လာခဲ့ရတယ်။ ချင်းပြည်နယ်ဟာ နောက်ကျကျန်ခဲ့ရတယ်။ကျနော်တို့မှာ အာဏာ၊
 လုပ်ပိုင်ခွင့်တွေမရှိတော့ သူတို့ကို အပြစ်တင်ရတယ်။

အခု ကျနော်တို့ Generation မှာ ဗိုလ်ချုပ်နေ၀င်းက အကြံပေးကြပါလို့ပြောတယ်။
အဲဒီတုန်းက ဘယ်သူတွေခေါင်းဆောင် သလဲ၊ အဲဒီတုန်းက မတောင်းခဲ့လို့ မပေး
ခဲ့လို့ ဒီနေ့ Generation မှာ တောင်းရမယ်၊ ထောင်လဲ ကျချင်ကျမယ်၊ အဲဒီတုန်းက
အားလုံး ၆၉ ဦးထောင်ကျကြတယ်၊ အဲဒီလို ပေးဆပ်ခဲ့တဲ့ အခါကျတော့ဘာအကျိုး
ရှိသလဲ၊ အဲဒီတုန်းက ကျနော်တို့ ရိုးသားခဲ့လို့ ဘာမှမကြောက်ကြဘူး၊ ချင်းလူငယ်
အကြံပေးချက်ကို ပြည်နယ်မှာ ဖြန့်ဝေကြတယ်၊ လူထု Awareness ရသွားတယ်။

အဲဒါ အကျိုးရှိတာပဲ၊ အဲဒီကနေတဆင့် ယနေ့ Chin Forum လုပ်ပြီးတော့ ချင်းလဲန်
ဖွဲ့စည်းပုံ ရေးဆွဲနိုင်တဲ့ အထိပဲ၊ ချင်းဥပဒေပညာရှင်တွေလည်း ထွက်လာကြတယ်၊
အဲဒါ ကျတော်တို့ အပင်စိုက်လာခဲ့တာ ယနေ့ အပင်ပေါက်လာတာဖြစ်တယ်။
ဒါကြောင့် ခင်ဗျားတို့ လူငယ်တွေအနေနဲ့ဒီနေ့ဒီချိန်မှာ စိုက်ပျိုးပါ၊ တချိန်မှာ
အပင်ပေါက်လာမယ်။ ကျနော်တို့အရွယ်ရောက်လာတဲ့ အချိန်မှာ နောင်လာ
နောက်သားတွေက ဆက်လက် စိုက်ပျိုးကြလိမ့်မယ်၊ ရေ ဆက်လောင်းမယ်၊
 မြေသြဇာ ဆက်ကျွေးမယ်၊ ဆက်လက် ပြုစုပျိုးထောင်မယ်၊ အသက်ကြီးလာတဲ့
အချိန်မှာ စိုက်ထားတဲ့ အသီးတွေအားရပါးရ အကျိုးခံ စားလိမ့် မယ်။

မှတ်ချက်။      ။ ၂၀၁၃ ခုနှစ် ဒီဇင်ဘာလအတွင်း ဒုတိယအကြိမ် ပြည်ထောင်စု
အဆင့်ဆွေးနွေးပွဲကာလ ရန်ကုန်မြိ့ လူထုတွေ့ဆုံပွဲတုန်းက အမှာစကားဖြစ်သည်။