သရုပ်ပေါ်လွင်လွန်းသည့် ကြိုးတန်းဇာတ်ကား ယခုနှစ်အကယ်ဒမီ မရနိုင်ဟု ထင်ကြေးပေး

မျိုးချစ်သူ/ ၁၈ ဇန်န၀ါရီ ၂ဝ၁ဝ


ယခုနှစ် နေပြည်တော် အကယ်ဒမီထူးချွန်ဆုပေးပွဲတွင် ဒါရိုက်တာမီးပွား ရိုက်ကူးသည့် ကြိုးတန်း ရုပ်ရှင်ဇာတ်ကား အကယ်ဒမီ ရရှိမည်မဟုတ်ကြောင်း ရန်ကုန်အနုပညာလောက အသိုင်းအ၀ိုင်းတွင် ထင်ကြေးပေးနေကြသည်။

အကယ်ဒမီ ၂၀၀၈ ခုနှစ်အတွက် ရုပ်ရှင်ထူးချွန်ဆုပေးပွဲကို လာမည့် ဖေဖော်ဝါရီ (၆) ရက်တွင် နေပြည်တော် လေဟာပြင် ကဇာတ်ရုံ၌ ကျင်းပပြုလုပ်မည်ဟု မြန်မာနိုင်ငံ ရုပ်ရှင်အစည်းအရုံးက တရားဝင်ထုတ်ပြန်ကြေညာသည်။

“ဒီနှစ်မှာ ဇာတ်ကား (၁၂) ကား ရှိတယ်။ ဟာသ (၈) ကားပါတယ်။ ဟာသဇာတ်ကားကို ပုံဖော်ကြတဲ့ အနုပညာရှင်တွေလည်း အကယ်ဒမီကို မျှော်လင့်လို့ရတယ်။ ဒီနှစ်ကတော့ ထူးခြားမှု ရှိပါလိမ့်မယ်” ဟု မြန်မာနိုင်ငံ ရုပ်ရှင်အစည်းအရုံးမှ တာဝန်ရှိသူတဦးက ပြောသည်။

ကြိုးတန်း ရုပ်ရှင်ဇာတ်ကားကြီးသည် တံငါသည်တို့၏ ဘ၀ကို ပီပီပြင်ပြင် ရိုက်ကူးထားသော ဇာတ်ကားဖြစ်ပြီး အောက်ခြေ လူတန်းစားများ၏ သရုပ်ကို ပေါ်လွင်ထင်ဟပ်စေသော ရုပ်ရှင်ဇာတ်ကားတကားဖြစ်ကြောင်း ယင်းဇာတ်ကားကို ကြည့်ရှုဖူးသည့် ရုပ်ရှင်ကြည့်ပရိသတ်တဦးက ပြောသည်။

သို့သော် အဆိုပါဇာတ်ကားကို ထုတ်လွှင့်ပြသခဲ့ပြီးသည့်နောက်ပိုင်း အစိုးရက ရုပ်ရှင်နှင့် ဗွီဒီယိုရိုက်ကူးရာတွင် ဆင်းရဲသော အခန်းများ ထည့်၍မရိုက်ရဟူသောအမိန့်ကို ထုတ်ပြန်ခဲ့သည်ဟု ရန်ကုန်မှ ၀ါရင့်ရုပ်ရှင်ဒါရိုက်တာတဦးက ပြောသည်။

“ကြိုးတန်းက သေချာပေါက် အကယ်ဒမီရမယ့် ဇာတ်ကားပဲ။ ဒါပေမယ့် သဘာဝကို ပုံဖော်တာ တိကျသေချာလွန်းနေတယ်။ ဒီဇာတ်ကားမှာ သရုပ်ဆောင်တဲ့ ကျော်ဟိန်း၊ ကျော်ရဲအောင်၊ စိုးမြတ်သူဇာနဲ့ ထွန်းအိန္ဒြာဗိုလ်တို့ကလည်း တကယ့်ဝါရင့် သရုပ်ဆောင်တွေ ဖြစ်သလို တော်လည်းတော်ကြတယ်။ မြန်မာနိုင်ငံမှာတော့ ကြိုးတန်းက ပရိသတ် တကယ်နှစ်သက်ခဲ့တဲ့ ဇာတ်ကားတကားပဲ” ဟု အဆိုပါဒါရိုက်တာက ပြောသည်။

ကြိုးတန်း ရုပ်ရှင်ဇာတ်ကားနှင့် ပတ်သက်၍ ဒါရိုက်တာ မီးပွားကိုမေးမြန်းရာ မီးပွားက အကယ်ဒမီနှင့်ပတ်သတ်သက်၍ မည်သည့် အကြောင်းမှ မပြောလိုကြောင်း ငြင်းဆိုသည်။

နေပြည်တော် လေဟာပြင်ကဇာတ်ရုံတွင် ကျင်းပမည့် အကယ်ဒမီပွဲသို့ တက်ရောက်ရန် ရုပ်ရှင်၊ ဗွီဒီယို၊ စာပေနှင့်ဂီတ အနုပညာရှင်ပေါင်း (၅၀၀) ကျော်ကို ဖိတ်ကြားထားပြီးဖြစ်ကြောင်း မြန်မာနိုင်ငံ ရုပ်ရှင်အစည်းအရုံးမှ သိရသည်။

အကယ်ဒမီ ရုပ်ရှင်ထူးချွန်ဆုများကို ပေးရာတွင် တနှစ်တာအတွင်း ရုံတင်ပြသခဲ့သည့် ဇာတ်ကားများမှ ဓာတ်ပုံဆု၊ အမျိုးသား သရုပ်ဆောင်ဆု၊ အမျိုးသမီး သရုပ်ဆောင်ဆု၊ အမျိုးသားဇာတ်ပို့ဆု၊ အမျိုးသမီး ဇာတ်ပို့ဆု၊ တေးဂီတဆု၊ ဇာတ်ညွှန်းဆု၊ ဒါရိုက်တာဆု၊ တည်းဖြတ်ဆု၊ ဇာတ်ကားဆု၊ အသံပိုင်းဆိုင်ရာဆု စသည်တို့ကို ဆုရွေးချယ်ရေးအဖွဲ့က ရွေးချယ်ပေးအပ်ခဲ့ရာ ပြီးခဲ့သည့်နှစ်က ကျင်းပသော ၂၀၀၇ ခုနှစ်အတွက် အကယ်ဒမီ ထူးချွန်ဆုပေးပွဲတွင် အမျိုးသမီး ဇာတ်ပို့ဆုပေးခြင်း မရှိခဲ့ပေ။

၂၀၀၈ ခုနှစ် ရုပ်ရှင်ထူးချွန်ဆုအတွက် တနှစ်တာလုံး ရုံတင်ပြသခဲ့သော ဇာတ်ကားများမှာ ကြိုးတန်း၊ မြင့်မိုရ်ထက်က သရဖူ၊ ငယ်သူမို့ မသိပါ၊ အများနှင့် မသက်ဆိုင်သောသူ၊ အမည်မဖော်လိုသူ အချစ်နှင့် ဟာသဇာတ်ကားများဖြစ်သော ဟော့ရှော့၊ ရင်ခုန်နှင်းဆီ၊ အချစ်က လန်းတယ်၊ ချစ်တော့ချစ်တယ် အလိုမလိုက်ဘူး၊ အကယ်ဒမီရှော့ခ်၊ ဒီဝါကျွတ်အမီ ခယ်မအမြန် အစွံထုတ်ရန်ရှိသည်၊ ကဝေပျို၏ ပစ္စုပ္ပန်တို့ ဖြစ်ကြောင်း သိရသည်။(ခေတ်ပြိုင်)