လွှတ်တော်အမတ်လောင်း၊ ချင်းအမျိုးသားပါတီ

ခိုင်စု | ကြာသပတေးနေ့၊ ဇူလိုင်လ ၀၁ ရက် ၂၀၁၀ ခုနှစ် ၂၁ နာရီ ၂၀ မိနစ်

ချင်းအမျိုးသားပါတီ CNP ကို ယခုနှစ် မတ်လ ၂၇ ရက်နေ့တွင် ချင်းအမျိုးသားရေးအတွက် ဦစားပေးဆောင်ရွက်မည်ဟူသော ရည်ရွယ်ချက်ဖြင့် ချင်းပြည်နယ် မြို့နယ် ၉ မြို့နယ်မှ ချင်းအမျိုးသား ၁၆ ဦးဖြင့် ရန်ကုန်တွင် စတင်ဖွဲ့စည်းခဲ့သည်။

ဧပြီလ ၇ ရက်နေ့တွင် ပါတီတည်ထောင်ခွင့် လျှောက်ထားခဲ့ပြီး ရွေးကောက်ပွဲ ကော်မရှင်က မေလ ၂၇ ရက်နေ့တွင် မှတ်ပုံတင်အမှတ် ၂၁ ဖြင့် ခွင့်ပြုခဲ့သည်။ ပါတီရုံးချုပ်ကို ရန်ကုန်တိုင်း အင်းစိန်မြို့နယ်တွင် ထားရှိသည်။

ဟားခါးမြို့နယ်မှ ချင်းအမျိုးသားပါတီကိုယ်စားပြု ရွေးကောက်ပွဲဝင်မည့် အမတ်လောင်းတဦးဖြစ်သော ဦးငွန်မောင်းကို ဆက်သွယ်ကာ ၂၀၁၀ ရွေးကောက်ပွဲအပေါ် သဘောထား၊ လူထုစည်းရုံးရေးမြင်၊ ချင်းပြည်နယ် ဖွံ့ဖြိုးတိုးတက်ရေး ရည်ရွယ်ချက်များကို ဆက်သွယ်မေးမြန်းထားပါသည်။

အမည် ဦးငွန်မောင်း(U ngun maung)
မိဘ အမည် U Sun Tum ၊ Daw Ni Thui
မွေးသက္ကရာဇ် ၁၂.၃.၁၉၅၀
မွေးရပ်ဇာတိ lung Rang ရွာ၊ ဟားခါးမြို့နယ်၊
မွေးချင်း ၃ ဦးအနက် ဒုတိယမြောက်
အိမ်ထောင်ရေး ဇနီးဒေါ်သွန်ပဲန်၊ သားသမီး ၅ ဦး
ပညာရေး မကွေးတိုင်း ဂန့်ဂေါမြို့နယ် အထက ကျောင်းမှ ၁၉၆၉ ခုနှစ်တွင် (ခ) အဆင့်ဖြင့် ၁၀ တန်း အောင်သည်။ ချင်းပြည်နယ် ဟားခါးမြို့နယ် အထက ကျောင်းမှ ၁၉၇၉ ခုနှစ်တွင် (က) အဆင့်ဖြင့် ၁၀ တန်း အောင်သည်။ ၁၉၈၄ ခုနှစ်တွင် ရန်ကုန်တက္ကသိုလ် (စာပေးစာယူ) မှ ဥပဒေဘွဲ့ ရရှိခဲ့သည်။
လက်ရှိနေရပ်လိပ်စာ ဇ/၂၅ ၊ ၆၆ လမ်းနှင့် ၃၇ x ၃၈ လမ်းကြား၊ ရွှေဘိုလမ်းထောင့်၊ မဟာအောင်မြေ အပိုင်း ၁ ၊ မဟာအောင်မြေမြို့နယ်၊ မန္တလေးတိုင်း

အလုပ်အကိုင်

၁၉၆၉ ခုနှစ်မှ ၁၉၇၉ ခုနှစ်အထိ ချင်းပြည်နယ် ဖလမ်းမြို့နယ် သစ်ထုတ်လုပ်ရေးရုံးတွင် လုပ်အားပေးစာရေး
၁၉၇၁ ခုနှစ်မှ ၁၉၇၃ ခုနှစ်အထိ ဖလမ်းမြို့နယ် လျှပ်စစ်အင်ဂျင်နီယာရုံးတွင် အောက်တန်းစာရေး
၁၉၇၄ ခုနှစ်မှ ၁၉၇၆ ခုနှစ်အထိ ပြည်နယ် လျှပ်စစ်အင်ဂျင်နီယာရုံးတွင် အထက်တန်းစာရေး
၁၉၇၆ ခုနှစ်မှ ၁၉၇၈ ခုနှစ်အထိ ဟားခါးမြို့နယ် လျှပ်စစ်မှူး၊ ၁၉၇၈ ခုနှစ်တွင် ပြည်နယ် လျှပ်စစ်အင်ဂျင်နီယာရုံးတွင် အထက်တန်းစာရေး၊ ယင်းရုံး၌ပင် ၁၉၈၆ ခုနှစ်တွင် ဌာနခွဲစာရေးကြီး
၁၉၉၂ ခုနှစ် ချင်းပြည်နယ် လျှပ်စစ်အင်ဂျင်နီယာရုံး၏ ရုံးအုပ်
၁၉၉၄ ခုနှစ်တွင် ရုံးအုပ်ရာထူးဖြင့် မန္တလေးတိုင်း လျှပ်စစ်အင်ဂျင်နီယာရုံးသို့ ပြောင်းလာခဲ့သည်။
၁၉၉၇ ခုနှစ်တွင် လက်ထောက်စီမံခန့်ခွဲရေးမှူး၊ ၂၀၀၇ ခုနှစ်တွင် လက်ထောက် ညွှန်ကြားရေးမှူး၊ ၂၀၀၉ ခုနှစ်တွင် အမှတ် (၂) လျှပ်စစ်စွမ်းအား ၀န်ကြီးဌာနရုံးသို့ ပြောင်းရွှေ့တာဝန်ထမ်းဆောင်၊ ၂၀၁၀ ခုနှစ် မတ်လ ၁၂ ရက်နေ့တွင် အငြိမ်းစားယူခဲ့သည်။

ပါဝင်ဆောင်ရွက်ခဲ့သည့် လူမှုရေး အဖွဲ့အစည်းများ

ချင်းပြည်နယ် ဟားခါးမြို့တွင် တာဝန်ထမ်းဆောင်နေစဉ် ဟားခါးမြို့ မိဘ ကော်မတီ အတွင်းရေးမှူးနှင့် ချင်းယဉ်ကျေးမှု ကော်မတီအတွင်းရေးမှူး လုပ်ခဲ့သည်။ မန္တလေးမြို့ရှိ လိုင်ချင်း သာရေးနာရေးအဖွဲ့တွင် ဥက္ကဋ္ဌအဖြစ် လုပ်ကိုင်ခဲ့ဖူးသည်။

နိုင်ငံရေလောကသို့ ရောက်လာသည့် အကြောင်း

“အငြိမ်းစားယူပြီးတဲ့ နောက်ပိုင်း ကျနော်ရဲ့ ဟားခါးမှာရှိတဲ့ လူငယ်တွေက ရွေးကောက်ပွဲမှာ ခင်ဗျားလည်း ၀င်ပြိုင်ပါလို့ ပြောကြရာကနေ ရောက်လာတာပါ။ ကျနော် ငယ်ငယ်ကလည်း နိုင်ငံရေးကို စိတ်ဝင်စားပါတယ်။ အငြိမ်းစားယူပြီးတော့ ရွေးကောက်ပွဲလုပ်မှာနဲ့ တိုက်ဆိုင်နေတော့ ၀င်ပြိုင်ဖို့ ဖြစ်လာတာပါ”

ကိုယ်စားပြု ယှဉ်ပြိုင်မည့် မြို့နယ်

“ချင်းအမျိုးသားပါတီ CNP က ဟားခါးမြို့နယ်ကနေ လွှတ်တော် တနေရာရာကို မှန်းထားတယ်”

CNP ပါတီသို့ ၀င်ရောက်ရသည့် အကြောင်း

“အငြိမ်းစားယူပြီးနောက်ပိုင်း ဘယ်ပါတီကို ၀င်မယ်ဆိုတာ မသိသေးဘူး။ CNP ရဲ့ ပါတီရဲ့ မူကို လေ့လာလိုက်တဲ့အခါမှာ မူဝါဒကလည်း ခေတ်မီတယ်။ ကျနော်ကိုယ်တိုင်ကလည်း ခေတ်မီတာကို သဘောကျတော့ ၀င်ဖြစ်သွားတာ”

မည်သည့်အတွက် ရွေးကောက်ပွဲ ၀င်ရောက်ယှဉ်ပြိုင်ရသလဲ

“၄၈ နှစ်လုံးလုံး မဆလနဲ့ စစ်အစိုးရက အုပ်ချုပ်လာတော့ အခုတော့ နိုင်ငံတော် အစိုးရ အပြောင်းအလဲ လုပ်ပေးတော့မယ်ဆိုတော့ အားတက်ပြီးတော့ ၀င်ပြိုင်တာပေါ့ဗျာ။ ချင်းလူမျိုးနဲ့ ချင်းပြည်နယ် တိုးတက်အောင် လုပ်ပေးမယ်ဆိုပြီးပေါ့။ ချင်းပြည်နယ် တိုးတက်ရာ တိုးတက်ကြောင်းအတွက်ပါ”

အမတ်လောင်းတဦး ရှိသင့်သည့် အရည်အချင်း

“အရင်ကတော့ လူတော်လူကောင်း။ မဆလ ခေတ်ရောက်တော့ လူကောင်းလူတော် ဖြစ်သွားတယ်။ လူကောင်းဖြစ်ဖို့က လွယ်တယ်။ လူတော်ဖြစ်ဖို့က မလွယ်ဘူး။ အရင်ဆုံးတော့ ပညာရေးကောင်းရမယ်။ အနည်းဆုံး ဘွဲ့ရမဟုတ်ရင် ၁၀ တန်းအောင်တော့ ဖြစ်သင့်တာပေါ့။ နိုင်ငံရေးကို ၀ါသနာပါရမယ်။ ဖြစ်နိုင်ရင်တော့ အစိုးရလုပ်ငန်းမှာ အတွေအကြုံ ရှိရမယ်။ ၀င်ငွေလည်း အသင့်အတင့်ရှိရမယ်။ ရိုးသားရမယ်။ ကြိုးစားရမယ်။ စေတနာထားရမယ်”

မည်သည့်ကိစ္စ အလုပ်ကိုင်နိုင်ဆုံး ဖြစ်မလဲ

“ကျနော်က ကိုယ့်ကိုယ်ကို ယုံကြည်မှု အပြည့်အ၀ ရှိပါတယ်။ ချင်းပြည်နယ် လူထုအတွက် သူတို့ လိုလားတောင့်တတဲ့ ကိစ္စအ၀၀ကို ပြောနိုင်ဆိုနိုင် လုပ်ကိုင်နိုင်မယ်လို့ ယုံကြည်တယ်”

လူထုကို မည်သို့ စည်းရုံးမလဲ

“လူငယ်၊ လူကြီး အကြိုက်၊ ခေတ်မီ ဒီမိုကရေစီကို အပြောင်းအလဲလုပ်မယ်ဆိုပြီး စည်းရုံးမှာပေါ့ဗျာ။ အရင် မြန်မာနိုင်ငံက အရှေ့တောင်အာရှမှာ အချမ်းသာဆုံးနိုင်ငံပဲ။ အခုတော့ အရှေ့တောင်အာရှမှာ တတိယ အဆင်းရဲဆုံး နိုင်ငံဖြစ်နေတယ်။ ပြန်ပြီး ချမ်းသာအောင် စီးပွားရေး၊ နိုင်ငံရေးတွေကို ဘယ်လိုလုပ်မယ်ဆိုတာကို ပြောပြီး စည်းရုံးရမှာပေါ့”

အနိုင်ရရှိလျှင် မည်သို့ အပြောင်းအလဲ လုပ်မလဲ

“လမ်းပန်းဆက်သွယ်ရေးကို အကောင်းဆုံးဖြစ်အောင် လုပ်ပေးမယ်။ အခုထိတောင် ချင်းပြည်နယ် တောင်ပိုင်းနဲ့ မြောက်ပိုင်း ဆက်သွယ်တဲ့ ကတ္တရာလမ်း ကောင်းကောင်းတောင် မရှိဘူး။ စီးပွားရေးမှာဆိုလည်း ချင်းပြည်နယ်နဲ့ သင့်တော်တဲ့ စိုက်ပျိုးမွေးမြူရေးတွေ လုပ်ပေးမှာပေါ့။ သစ်တောသစ်ပင်တွေ မပြုန်းအောင်၊ သယံဇာတ အရင်းအမြစ်တွေ မပြုန်းတီးအောင် မြစ်ချောင်းအင်းအိုင်တွေမှာ မိုင်းခွဲတာ၊ ဆေးခပ်တာတို့ မလုပ်ရအောင် ဆောင်ရွက်ပေးရမယ်”

“ပညာရေးမှာလည်း ကမ္ဘာ့အဆင့်မီအောင် အခြေအနေတွေ၊ အခွင့်အလမ်းတွေ ဖန်းတီးပေးရမယ်”

“စီးပွားရေးမှာဆိုလည်း အရှေ့တောင်အာရှမှာ မြန်မာပြည်က အဆင်းရဲဆုံးဖြစ်သလို မြန်မာပြည်မှာဆိုရင်လည်း ပြည်နယ်နဲ့ တိုင်းတွေထဲမှာ အဆင်းရဲဆုံးပါ။ ချင်းပြည်နယ်မှာ ဒေသထွက် သယံဇာတတွေလည်း မရှိတော့ ပညာရှင်တွေနဲ့ သေချာတိုင်ပင်ပြီး ချင်းပြည်နယ် ဖွံ့ဖြိုးတိုးတက်အောင် လုပ်ပေးရမှာ”

“ကျန်းမာရေးကဏ္ဍမှာဆိုလည်း ဝေးလံခေါင်သီတဲ့ နယ်စပ်တွေမှာဆိုရင် ဆရာဝန်၊ ဆရာမတွေ အစားအသောက် ရှားပါး၊ လမ်းပန်းဆက်သွယ်ရေးတွေက ခက်ခဲတော့ မနေချင်ကြဘူး။ ခဏလည်းနဲ့ ပြန်သွားကြတယ်။ သူတို့တွေ နေနိုင်အောင် အခြေအေနေတွေ (လမ်းပန်းဆက်သွယ်ရေး၊ အဆောက်အဦးနဲ့ ဆေးရုံဆေးပေးခန်း) လုပ်ပေးရမယ်”

ချင်းပြည်နယ် တိုးတက်ရန် မည်သည့် ဥပဒေများ ပြဋ္ဌာန်းမလဲ

“ဖွဲ့စည်းပုံအရ ဥပဒေကို ကျနော်တို့က ဆွဲရမှာ။ ချင်းပြည်နယ်မှာ ရှိပြီသား ဥပဒေတွေကို ပြင်ဆင်ပြီး၊ ပြုပြင်ပြီး ပြဋ္ဌာန်းပေးရမှာပေါ့။ ဘယ်ဥပဒေကို ပြင်ဆင်မယ်ဆိုတော့ ကျနော်လည်း အခုချိန်မှာ မပြောနိုင်သေးဘူး။ အရင် chin land ဥပဒေဆိုတာ ရှိတယ်။ တမြို့နယ်နဲ့ တမြို့နယ် ဥပဒေက မတူဘူး။ ကောင်းတာတခုက ချင်းပြည်သူတွေနဲ့ သင့်တော်တဲ့ ဥပဒေကို ပြဋ္ဌာန်းပေးရမှာပေါ့”(မဇ္ဈိမ)