အဖျက်သိမ်းခံ တိုင်းရင်းသား ပါတီကြီး လေးခု မှတ်ပုံတင်ရန်ရှိ

ဇန်နဝါရီလ ၁၉ ရက် ၂၀၁၂ ခုနှစ်
(ပူကျင့်ရှင်းထန်ဆွေးနွေးပုံ)

၁၉၉၀ ရွေးကောက်ပွဲတွင် ထင်ရှားသည့်တိုင်းရင်းသား ပါတီကြီးလေးခုက လူထုအရေး
ကို တရားဝင်လုပ်ဆောင်နိုင်ကြဖို့အတွက်ပြန်လည်မှတ်ပုံတင်ရန် စီစဉ်နေကြကြောင်း၊
၎င်းပါတီများ၏ တာဝန်ရှိသူများ က ပြောသည်။

ရှမ်းအမျိုးသား ဒီမိုကရေစီအဖွဲ့ချုပ် SNLD၊ ရခိုင်ဒီမိုကရေစီအဖွဲ့ချုပ် ALD၊မွန်အမျိုး
သားဒီမိုကရေစီအဖွဲ့ချုပ် MNDF နှင့် ဇိုမီးအမျိုးသားကွန်ကရက် ZNC တို့က ပါတီ
များမှတ်ပုံတင်ခြင်း ဥပဒေကို ပြင်ဆင်ပေးခြင်း၊ဦးခွန်ထွန်းဦး အပါအဝင် နိုင်ငံရေး
အကျဉ်းသားများ ပြန်လွှတ်ပေးခြင်းတို့ကြောင့် ယခုကဲ့သို့ဆုံးဖြတ်ခဲ့ခြင်းဖြစ်ကြောင်း
ပါတီ တာဝန်ရှိသူများက တညီတည်း ပြောဆိုကြသည်။
ဦးခွန်ထွန်းဦး ခေါင်းဆောင်သည့် SNLD ပါတီမှာ ၂၀၁၀ နိုင်ငံရေးပါတီများ မှတ်ပုံတင်
ခြင်း ဥပဒေအရ အလိုအလျောက်ပျက်ပြယ်ခဲ့ရပြီး ကျန်ပါတီသုံးခုမှာ ၁၉၉၃ ခုနှစ် ဗိုလ်
ချုပ်ကြီးခင်ညွှန့် လက်ထက်ကတည်းက ဖျက်သိမ်း ခံထားရသည့် ပါတီများ ဖြစ်သည်။ ၂၀၀၈ အခြေခံ ဥပဒေနှင့် ရွေးကောက်ပွဲ ဥပဒေများကို ကန့်ကွက်ခဲ့ကြပြီး မှတ်ပုံမတင်
ဘဲ နေခဲ့ကြသည့် ပါတီများ ဖြစ်သည်။

“ပထမ ဦးစားပေး အနေနဲ့ မှတ်ပုံတင်ဖို့ ကိစ္စနဲ့ ဥက္ကဌ (ဦးခွန်ထွန်းဦး) နဲ့ အတွင်းရေးမှူး
(ဦးစိုင်းညွှန့်တင်)တို့ရဲ့ ကျန်းမာရေးကိစ္စတွေကို လုံးပန်းနေပါတယ်။လောလောဆယ်
တော့ ပါတီ ဗဟိုဦးစီးအစည်းအဝေး လုပ်နေပါတယ်။တင်ဖြစ်ဖို့ အလားအလာများ
ပါတယ်” SNLD ပြောရေးဆိုခွင့်ရှိသူ ဦးစိုင်းလိတ်က မဇ္ဈိမကို ပြောသည်။
ကြားဖြတ် ရွေးကောက်ပွဲကို ဝင်ရောက်ယှဉ်အရွေးခံရန် မသေချာသေးဟု ဆိုသည်။

SNLD သည် ၁၉၉၀ ရွေးကောက်ပွဲတွင် ရှမ်းပြည်နယ်အတွင်းမဲအများဆုံးရရှိခဲ့ကာ
တနိုင်ငံလုံး၌ ဒုတိယ မဲအများဆုံး ရရှိသည့် ပါတီအဖြစ် ရပ်တည်ခဲ့သည်။

တတိယ မဲအများဆုံးရရှိထားသည့် ရခိုင် ALD က ဖေဖေါ်ဝါရီလဆန်းတွင်မှတ်ပုံတင်
မည်ဖြစ်ပြီး ကြားဖြတ်ရွေးကောက်ပွဲကို ယှဉ်ပြိုင်သွားမှာ မဟုတ်သေးဘဲ အမျိုးသားရေး
၊ပညာရေး၊ ကျန်းမာရေးနှင့် လယ်သမား အရေးများကို လုပ်ဆောင်သွားဖို့ရှိကြောင်း
ALD ခေါင်းဆောင် ဦးအေးသာအောင် က ပြောသည်။
“အစိုးရကလည်း ရွေးကောက်ပွဲ အချက်တချို့ ပြင်ပေးတယ်။နောက် ကျနော်တို့ပြော
တောင်းဆိုနေတဲ့ ဦးခွန်ထွန်းဦး တို့လို့ မင်းကိုနိုင်တို့လို နိုင်ငံရေး အင်အားစုတွေလည်း
လွတ်မြောက်လာပြီ ဆိုတော့ ပါတီ မှတ်ပုံတင်ဖို့ ဆုံးဖြတ်လိုက်တာ ဖြစ်ပါတယ်” ဟု
မဇ္ဈိမကို ပြောသည်။

အလားတူ မွန် MNDF နှင့် ဇိုမီး ZNC တို့ကလည်း ဖေဖေါ်ဝါရီလ(သို့မဟုတ်)ကြား
ဖြတ်ရွေးကောက်ပွဲအပြီးတွင် ပါတီမှတ်ပုံတင်ကြရန် စီစဉ်နေကြောင်းပါတီခေါင်းဆောင်
များက ပြောသည်။

“ဒီလထဲမှာ ဦးခွန်ထွန်းဦးအပါအဝင် ကျနော်တို့တိုင်းရင်းသားတွေ တွေ့ဆုံဆွေးနွေးပွဲ
လုပ်ဖို့ရှိတယ်။ဒါပြီးရင်တော့ မှတ်ပုံတင်ဖို့ ရှိတယ်။လတ်တလောအနေအထားတွေအရ
ကြားဖြတ်ကိုတော့ ဝင်ပြီးပြိုင်ဖြစ်ဖို့ နည်းပါတယ်” ဟု MNDF ဒုဥက္ကဋ္ဌ နိုင်ငွေသိမ်း
က မဇ္ဈိမကို ပြောသည်။

မွန်အမျိုးသားဒီမိုကရေစီအဖွဲ့ကို ၁၉၈၈ခုနှစ်၊အောက်တိုဘာလ ၁၁ရက်နေ့က စတင်
ဖွဲ့စည်းခဲ့ပြီး ၁၉၉၀ရွေးကောက်ပွဲတွင်ကိုယ်စားလှယ်(၁၉)ဦး ဝင်ပြိုင်ခဲ့ရာ ငါးနေရာ
အနိုင်ရရှိခဲ့သည်။

ZNC ဥက္ကဋ္ဌ ပူးကျင့်ရှင်းထန် က“ပါတီက အဖွဲ့ဝင်တွေနဲ့တော့ အစည်းအဝေးတွေ
မလုပ်ရသေးဘူး။သူတို့ဆီကလာတဲ့ အသံတွေအရပဲ ပြောရတာ။တရားဝင်လုပ်ကိုင်
ခွင့် အခွင့်အရေးကို ရဖို့ဆိုတော့ သူတို့အားလုံးသဘောတူ လိမ့်မယ်ထင်တယ်”
ဟု သူက မဇ္ဈိမကို ပြောသည်။

ဇန်နဝါရီလ ၁၈ ရက်နေ့က ဦးခွန်ထွန်းဦးနေအိမ်တွင်၉၀ရွေးကောက်ပွဲဝင်အမတ်များ
စုပေါင်းတွေ့ဆုံပွဲ ပြုလုပ်ခဲ့ရာတွင် ဦးခွန်ထွန်ဦးက နိုင်ငံရေးအရ တရားဝင်လုပ်ကိုင်
နိုင်ရန်အတွက် ပါတီမှတ်ပုံတင်ရန် အကြံပြုသည်။

၁၉၉၀ ရွေးကောက်ပွဲဝင် တိုင်းရင်းသားပါတီများ ၁၁ ပါတီဖြင့် စုပေါင်းထားသော
စည်းလုံးညီညွှတ်သော တိုင်းရင်းသားလူမျိုးများမဟာမိတ်အဖွဲ့ UNA နှင့်ဇန်နဝါရီလ
အတွင်း တွေ့ဆုံဆွေးနွေးကြရန် ရှိကြောင်း သိရသည်။

မှတ်ပုံတင်ရန် ပြင်ဆင်နေကြသည့် ပါတီများကို လတ်တလော မြန်မာ့နိုင်ငံရေး အခြေအနေအရ UNA နှင့် ပြည်သူ့ လွှတ်တော် ကိုယ်စားပြုကော်မတီ CRPP အဖွဲ့ဝင်များအနေဖြင့် ကန့်ကွက်လိမ့်မည် မဟုတ်ဟု ယူဆနေကြသည်။(မဇ္ဈိမ)